ഹരിപ്പാട്: ആലപ്പുഴ ഹരിപ്പാട് കെ.എസ്.ആർ.ടി.സി ബസിൽ ബൈക്കിടിച്ച് യാത്രിക മരിച്ചു. എടത്വ കൊഴിപ്പക്കുളം കളപ്പുറചിറയിൽ ബിന്ദു (42) ആണ് മരിച്ചത്. ഭർത്താവ് വിശ്വനാഥന് (49) പരിക്കേറ്റു. ഉച്ചക്ക് ശേഷം മൂന്നു മണിയോടെ ദേശീയപാതയിൽ ഹരിപ്പാട് സുബ്രഹ്മണ്യസ്വാമി ക്ഷേത്രത്തിലെ തെക്കേനടയിലായിരുന്നു അപകടം.
ചെറിയ റോഡിൽ നിന്ന് ഹൈവേയിലേക്ക് കടന്നതിന് ശേഷം നിർത്തിയിട്ടിരുന്ന കെ.എസ്.ആർ.ടി.സി ബസിനെ മറികടക്കുന്നതിനിടെയാണ് ബൈക്ക് ബസിന് സൈഡിൽ ഇടിച്ച് റോഡിലേക്ക് മറിഞ്ഞത്. റോഡിൽ വീണ ബിന്ദുവിനെ പിന്നാലെ വന്ന ടിപ്പർ ലോറി ഇടിക്കുകയായിരുന്നു. പരിക്കേറ്റ വിശ്വനാഥനെ ഹരിപ്പാട് താലൂക്ക് ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.