രാജ്യവാസികളുടെ ഐക്യത്തിന് വേണ്ടി ഹാജിമാർ പ്രാർഥിക്കണം -റഷീദലി തങ്ങൾ

കണ്ണൂർ: മാതൃരാജ്യത്തി​​െൻറ നന്മക്ക് വേണ്ടിയും രാജ്യവാസികളുടെ ഐക്യത്തിന് വേണ്ടിയും ഹാജിമാർ പ്രാർഥിക്കണമെന്ന് കേരള വഖഫ്ബോർഡ് ചെയർമാൻ പാണക്കാട് റഷീദലി ശിഹാബ് തങ്ങൾ ആഹ്വാനം ചെയ്തു. ഈ വർഷം ജില്ലയിൽനിന്ന് ഹജജ് കർമത്തിന് പോകുന്നവർക്ക് ജമാഅത്തെ ഇസ്​ലാമി ജില്ല സമിതി ഒരുക്കിയ യൂനിറ്റി ഏകദിന ഹജ്ജ് ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.

മറ്റെന്തിനെക്കാളും സാമൂഹിക പ്രതിബദ്ധത വളർത്തുന്ന ഒന്നാണ് ഹജ്ജ് കർമം. സാഹോദര്യവും ഐക്യവും ഹജ്ജി​​െൻറ മുഖമുദ്രയാണ്. സംഘടനകളുടെ ഐക്യത്തിനും സമുദായത്തി​​െൻറ ക്ഷേമത്തിനും കക്ഷി താൽപര്യം മറന്ന് പ്രവർത്തിക്കേണ്ട കാലമാണിത്. ഹാജിമാർ അവരുടെ സാമൂഹിക ബന്ധത്തിൽ ഈ പാരസ്പര്യ ബോധം ഊട്ടി വളർത്തണമെന്നും തങ്ങൾ പറഞ്ഞു.