പത്തനംതിട്ട: പത്തനംതിട്ടയിൽ ഒരാൾക്ക് കൂടി കോവിഡ് 19 സ്ഥിരീകരിച്ചു. ഞായറാഴ്ച 90 സാ ംപിളുകളുടെ ഫലം നെഗറ്റിവായ ആശ്വാസത്തിനു പിന്നാലെയാണ് 18കാരിക്ക് സ്ഥിരീകരിച്ചത്. പന്തളം സ്വദേശിയായ പെൺകുട്ടി ഡൽഹിയിൽ വിദ്യാർഥിനിയാണ്. മാർച്ച് 17ന് ഡൽഹിയിൽനിന ്ന് മംഗള-ലക്ഷദ്വീപ്
എക്സ്പ്രസിൽ എറണാകുളത്തെത്തി അവിടെ നിന്നും ശബരി എക്സ്പ്രസിൽ ചെങ്ങന്നൂരിലെത്തുകയായിരുന്നു. പെൺകുട്ടി പത്തനംതിട്ട ജനറൽ ആശുപത്രിയിൽ ചികിത്സയിലാണ്.
ഇതോടെ പത്തനംതിട്ടയിൽ കോവിഡ് സ്ഥിരീകരിച്ചവരുടെ എണ്ണം 14 ആയി. ഞായറാഴ്ച ലഭിച്ച 90 നെഗറ്റിവ് സാംപിളിൽ തബ്ലീഗ് സമ്മേളനത്തിൽ പെങ്കടുത്ത രണ്ടു പേരുടെ ഫലവും ഉണ്ട്. പത്തനംതിട്ടയിൽനിന്ന് സമ്മേളനത്തിൽ പങ്കെടുത്ത ആരുടെയും ഫലം ഇതുവരെ പോസിറ്റിവായി കണ്ടെത്തിയിട്ടില്ല.
എങ്കിലും ഇവരുടെ സാംപിൾ വീണ്ടും പരിശോധനക്ക് അയക്കാനുള്ള തയാറെടുപ്പിലാണ് ജില്ല ഭരണകൂടം. ഇതിനൊപ്പം സമ്മേളനത്തിൽ പത്തനംതിട്ടയിൽനിന്ന് കൂടുതൽ പേർ പെങ്കടുത്തിരുന്നോ എന്ന പരിശോധനയും തുടരുകയാണ്. ഡൽഹിയിൽനിന്ന് ട്രെയിനിൽ നാട്ടിലെത്തിയവരുടെ മുഴുവൻ വിവരങ്ങളും പരിശോധിക്കുകയാണെന്ന് കലക്ടർ പി.ബി. നൂഹ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.