കോതമംഗലം: റോഡപകടത്തിൽ സ്കൂട്ടർ യാത്രികനായ ഡന്റൽ കോളജ് വിദ്യാർത്ഥി മരിച്ചു. തങ്കളം മാർ ബസേലിയോസ് ഡന്റൽ കോളജിലെ അവസാന വർഷ വിദ്യാർത്ഥി നാഗഞ്ചേരി പുതുക്കുന്നത്ത് ഡോ.എൽദോ റാഡോയുടെ മകൻ അശ്വിൻ (24) ആണ് മരിച്ചത്.
തിങ്കളാഴ്ച്ച ഉച്ചയോടെയാണ് അപകടം. കൊട്ടരകരയിൽ നിന്ന് പഴനിക്ക് പോവുകയായിരുന്ന കെ.എസ്.ആർ.ടി.സി ബസിനെ ആലുവ മൂന്നാർ റോഡിൽ തങ്കളത്തിന് സമീപം മറികടക്കുന്നതിനിടെ എതിരെ വന്ന സ്കൂട്ടറിലിടിക്കാതിരിക്കാൻ ബ്രേക്ക് ചെയ്ത സ്കൂട്ടർ റോഡിൽ തെന്നി മറിയുകയായിരുന്നു. ബസിന്റെ അടിയിലേക്ക് തെറിച്ചു വീണ അശ്വിന്റെ ശരീരത്തിലൂടെ ബസിന്റെ പിൻ ചക്രങ്ങൾ കയറിയിറങ്ങി.
ഉടനെ തൊട്ടടുത്ത കോതമംഗലം താലൂക്ക് ആശുപത്രി പ്രവേശിപ്പിച്ചെങ്കിലും മരണം സംഭവിച്ചു. മാതാവ് ഡോ. മെലനി എൽദോ( പുതുക്കുന്നത്ത് ഡെന്റൽ ക്ലിനിക് കോതമംഗലം) സഹോദരങ്ങൾ ആഷ്ലി ചേലാട് മാർ ഗ്രിഗോറിയോസ് ഡെന്റൽ ക്ലിനിക് വിദ്യാർത്ഥിനി ,ആഷിഷ് കുട്ടിക്കാനം മരിയൻ കോളജ് വിദ്യാർത്ഥി. സംസ്കാരം ചൊവ്വാഴ്ച 12 ന് നാഗഞ്ചേരി സെന്റ് ജോർജ്ജ് ഹെബ്രോൻ പള്ളിയിൽ .
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.