കൊച്ചി: ക്രിക്കറ്റ് താരം എസ്. ശ്രീശാന്തിനെ നിയമസഭാ തെരഞ്ഞെടുപ്പിൽ മത്സരിപ്പിക്കാൻ ബി.ജെ.പി ശ്രമം. ഇക്കാര്യം ആവശ്യപ്പെട്ട് ശ്രീശാന്തിന് ദേശീയ അധ്യക്ഷൻ അമിത് ഷാ സന്ദേശമയച്ചു. നാളെ തിരുവനന്തപുരത്ത് എത്തുന്ന അമിത് ഷായുമായി കൂടിക്കാഴ്ച നടത്താനും ശ്രീശാന്തിനോട് ആവശ്യപ്പെട്ടു. നാളെ നടക്കുന്ന ചർച്ചക്ക് ശേഷം ഇക്കാര്യത്തിൽ അന്തിമ തീരുമാനമുണ്ടാകും.
അമിത്ഷായുടെ നിർദേശത്തോട് ശ്രീശാന്ത് വിസമ്മതം അറിയിച്ചിട്ടില്ല. കുടുംബാംഗങ്ങളുമായി ആലോചിച്ചശേഷം മറുപടി നൽകാമെന്ന് ശ്രീശാന്ത് ബി.ജെ.പി നേതൃത്തെ അറിയിച്ചു. തൃപ്പൂണിത്തുറ, എറണാകുളം മണ്ഡലങ്ങളിലൊന്നിലാകും ശ്രീയെ മത്സരിപ്പിക്കുക. ബി.ജെ.പി അനുഭാവിയായ ശ്രീശാന്ത് കേരളത്തിൽ ഇതുവരെ പാർട്ടി പൊതുപരിപാടികളിൽ പങ്കെടുത്തിട്ടില്ല. ശ്രീശാന്തിൻെറ ഭാര്യ ഭുവനേശ്വരി കുമാരിയുടെ കുടുംബം മധ്യപ്രദേശ് ബി.ജെ.പി നേതൃത്വവുമായി അടുത്ത ബന്ധം പുലർത്തുന്നവരാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.