തിരുവനന്തപുരം: എസ്.എന്.ഡി.പി ജനറല് സെക്രട്ടറി വെളളാപ്പളളി നടേശനെതിരായ മൈക്രോ ഫിനാന്സ് തട്ടിപ്പ് കേസില് അന്വേഷണ റിപ്പോര്ട്ട് സമര്പ്പിക്കാന് വിജിലന്സ് രണ്ട് മാസം കൂടി സമയം ആവശ്യപ്പെട്ടു. എന്നാല് അന്വേഷ സംഘത്തിന് രണ്ട് തവണ സമയം നീട്ടി നല്കിയതാണെന്നും പെട്ടെന്ന് റിപ്പോര്ട്ട് സമര്പ്പിക്കാന് അന്ത്യശാസനം നല്കണമെന്നും പ്രതിപക്ഷ നേതാവ് വി.എസ് അച്യുതാനന്ദന്െറ അഭിഭാഷകന് തിരുവനന്തപുരം വിജിലന്സ് പ്രത്യകേ കോടതി കോടതിയില് ആവശ്യപ്പെട്ടു. കേസ് പരിഗണിക്കുന്നത് കോടതി മെയ് 31ലേക്ക് മാറ്റി.
പ്രാഥമിക അന്വേഷണ റിപ്പോര്ട്ട് സമര്പ്പിക്കാന് വിജിലന്സിന് നല്കിയ രണ്ടാം സമയപരിധി ഇന്ന് അവസാനിക്കും. പ്രതിപക്ഷ നേതാവ് വി.എസ് അച്യുതാനന്ദന് സമര്പ്പിച്ച ഹര്ജിയിലാണ് പ്രത്യകേ കോടതി വിജിലന്സ് അന്വേഷണത്തിന് ഉത്തരവിട്ടത്. 2003-2015 കാലയളവില് സ്വാശ്രയ സംഘങ്ങള്ക്ക് കൊടുക്കാന് പിന്നാക്ക വികസന കോര്പറേഷനില് നിന്നെടുത്ത 15 കോടി രൂപയുടെ വിതരണത്തില് ക്രമക്കേട് നടന്നുവെന്ന ആരോപണം വിജിലന്സ് ഭാഗികമായി ശരിവെച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.