ഇതു തന്നെയാണോ നിങ്ങളുടെ ഇന്ത്യയെന്ന ആശയം. ​? -ആകാശ്​ ചോപ്ര

ന്യൂഡൽഹി: ‘ഇതു തന്നെയാണോ നിങ്ങളുടെ ഇന്ത്യയെന്ന ആശയവും..?’ ചോദ്യം മുൻ ഇന്ത്യൻ ക്രിക്കറ്റ്​ താരം ആകാശ്​ ചോപ് രയുടേതാണ്​. ട്വിറ്ററിൽ ഒരു കുറിപ്പ്​ പങ്കുവെച്ചാണ്​ ആകാശ്​ ചോപ്ര ഇങ്ങനെ ചോദിച്ചത്​. ഇന്ത്യയെക്കുറിച്ചുള് ള ഞങ്ങളുടെ ആശയം എന്ന്​ കുറിച്ച്​ സ്​നേഹാലിംഗനത്തിൻെറ ഇമോജിയും ആകാശ്​ ചോപ്ര ചേർത്തിരുന്നു.

ആകാശ്​ ചോപ്രയുടെ കുറിപ്പ്​ ഇങ്ങനെ:

​‘‘എൻെറ മകൾ ആരന അവളുടെ ജൻമദിനം സുഹൃത്ത്​ അകിറയുമായി പങ്കുവെക്കാറുണ്ട്​. ഞങ്ങൾ വർഷങ്ങളായി ഒരുമിച്ചാണ്​​ പാർട്ടി നടത്താറ്​. അവർ ഒരേപോലുള്ള വസ്​ത്രം ധരിക്കുന്നു​. അവർ ഒരു കേക്ക്​ മുറിക്കുന്നു. ചിലപ്പോൾ ജൻമദിനങ്ങളിൽ അവരെ കാണാനും ഒരുപോലിരിക്കും​. ആരാണ്​ അകിറ, ആരാണ്​ ആരന എന്ന്​ പറയാൻ തന്നെ പ്രയാസമാവും.

അവരുടെ പേരിൻെറ അവസാനത്തിലുള്ള ചോപ്ര, വിരാനി എന്നിവയൊഴികെ അവരിൽ ഒരു വ്യത്യാസവും ഇല്ല. അകിറ ഒരു മുസ്​ലിമാണെന്ന്​ ആരനക്കറിയില്ല. ആരന ഒരു ഹിന്ദുവാണെന്ന്​ അകിറക്കും അറിയില്ല. ഈ വിവരം നമ്മൾ ഒരിക്കലും അവരിലേക്കെത്തിക്കരുത്​.’’

നാനാത്വത്തിൽ ഏകത്വം, സമാധാനം, സ്​നേഹം എന്നീ വാക്കുകൾ ഹാഷ് ​ടാഗുകളാക്കിക്കൊണ്ടായിരുന്നു​ ആകാശ്​ ചോപ്ര ഇൗ കുറിപ്പ്​ ട്വീറ്റ്​ ചെയ്​തത്​.