ന്യൂഡൽഹി: കുട്ടികളിലെ വാക്സിൻ പരീക്ഷണത്തിെൻറ ഭാഗമായി ഏഴ് പേർക്ക് കൂടി കോവാക്സിൻ ആദ്യ ഡോസ് നൽകി. പട്ന എയിംസിലാണ് കുട്ടികൾക്ക് വാക്സിെൻറ ആദ്യ ഡോസ് നൽകിയത്. ജൂൺ മൂന്നിാണ് ഇവിടെ വാക്സിൻ പരീക്ഷണം തുടങ്ങിയത്. ആദ്യ ദിവസം മൂന്ന് പേർക്കാണ് വാക്സിൻ നൽകിയത്. രണ്ട് മുതൽ 18 വയസ് വരെ പ്രായമുള്ള കുട്ടികളിലെ വാക്സിൻ പരീക്ഷണമാണ് പുരോഗമിക്കുന്നത്.
ആരോഗ്യപരിശോധനക്ക് ശേഷമാണ് കുട്ടികൾക്ക് വാക്സിൻ നൽകുന്നത്. ഇത്തരത്തിൽ 21 കുട്ടികളെ ആരോഗ്യ പരിശോധനക്ക് വിധേയമാക്കിയിരുന്നു. ഇതിൽ 12 പേരിൽ ആൻറിബോഡിയുടെ സാന്നിധ്യം കണ്ടെത്തി. ബാക്കിയുള്ള ഒമ്പത് പേരിൽ ഏഴ് പേർക്കാണ് കോവാക്സിെൻറ ആദ്യ ഡോസ് നൽകിയത്.
പട്ന എയിംസിൽ ഇതുവരെ 10 കുട്ടികൾക്ക് കോവാക്സിൻ ആദ്യ ഡോസ് നൽകിയിട്ടുണ്ട്. 28 ദിവസങ്ങൾക്ക് ശേഷം ഇവർക്ക് രണ്ടാം ഡോസും നൽകും. 100 കുട്ടികൾക്കെങ്കിലും വാക്സിൻ നൽകുകയാണ് ലക്ഷ്യമെന്ന് പട്ന എയിംസ് അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.