ന്യൂഡൽഹി: മനുഷ്യരാശിയെ രക്ഷിക്കാൻ ഇന്ത്യ നിർമിച്ച രണ്ട് കോവിഡ് വാക്സിനുകൾ തയാറാണെന്ന് പ്രധാനമന്ത്രി നരേന്ദ്ര മോദി. പതിനാറാമത് പ്രവാസി ഭാരതീയ ദിവസ് കൺവെൻഷൻ ഓൺലൈനായി ഉദ്ഘാടനം ചെയ്യുകയായിരുന്നു അദ്ദേഹം.
'ആദ്യഘട്ടത്തിൽ രാജ്യം പി.പി.ഇ കിറ്റുകൾ, മാസ്കുകൾ, വെന്‍റിലേറ്ററുകൾ, ടെസ്റ്റിംഗ് കിറ്റുകൾ എന്നിവ പുറത്തുനിന്ന് ഇറക്കുമതി ചെയ്യുകയായിരുന്നു. എന്നാൽ, ഇന്ന് നമ്മുടെ രാഷ്ട്രം സ്വയംപര്യാപ്തമാണ്. രണ്ട് മെയ്ഡ് ഇൻ ഇന്ത്യ കോവിഡ് വാക്സിനുകൾ ഉപയോഗിച്ച് മനുഷ്യരാശിയെ സംരക്ഷിക്കാൻ ഇന്ത്യ തയാറാണ്' -മോദി പറഞ്ഞു. രാജ്യത്തെ പട്ടിണി ഉൻമൂലനം െചയ്യാനുള്ള പ്രവർത്തനങ്ങളിലും ഇന്ത്യ മുന്നേറുകയാണ്. ഇക്കാര്യം ആഗോളതലത്തിൽ പോലും ചർച്ച ചെയ്യപ്പെടുന്നു.
ഇന്ത്യ ഭീകരതക്കെതിരെ സധൈര്യം പോരാടിയപ്പോൾ ലോകത്തിനും ഈ വെല്ലുവിളിയെ നേരിടാനുള്ള ധൈര്യം ലഭിച്ചു. അഴിമതി അവസാനിപ്പിക്കാൻ ഇന്ത്യ നൂതന സാങ്കേതിക വിദ്യകളാണ് ഉപയോഗിക്കുന്നത് -പ്രധാനമന്ത്രി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.