ന്യൂഡൽഹി: റിപ്പബ്ലിക് ദിനത്തിലെ ട്രാക്ടര് റാലിക്കിടെ കര്ഷകന് മരിച്ചതുമായി ബന്ധപ്പെട്ട ട്വീറ്റുകള്ക്കെതിരെ രജിസ്റ്റര് ചെയ്ത രാജ്യദ്രോഹ കേസുകള് റദ്ദാക്കണമെന്നാവശ്യപ്പെട്ട് ശശി തരൂര് എം.പിയും മാധ്യമ പ്രവര്ത്തകന് രാജ്ദീപ് സര്ദേശായിയും ഉള്പ്പടെയുള്ളവര് സുപ്രീം കോടതിയെ സമീപിച്ചു.
മാധ്യമപ്രവര്ത്തകരായ മൃണാള് പാണ്ഡെ, സഫര് ആഗ, പരേഷ് നാഥ്, അനന്ത് നാഥ്, മലയാളിയായ മാധ്യമപ്രവർത്തകൻ വിനോദ് ജോസ് എന്നിവരും കേസുകള് റദ്ദാക്കണമെന്ന് ആവശ്യപ്പെട്ട് സുപ്രീം കോടതിയെ സമീപിച്ചിട്ടുണ്ട്. തങ്ങൾക്കെതിരെയുള്ള കേസുകൾ ബാലിശമാണെന്ന് കോടതിയെ അറിയിച്ചു.
റിപ്പബ്ലിക്ക് ദിനത്തിൽ ട്രാക്ടർ റാലിയിൽ കർഷകൻ വെടിയേറ്റ് മരിച്ചെന്ന് തരൂര് അടക്കമുള്ളവര് ട്വീറ്റ് ചെയ്തെന്ന് എഫ്.ഐ.ആറിലുണ്ട്. ഇത് ചെങ്കോട്ടയിലെത്തി കൊടി ഉയര്ത്താന് പ്രക്ഷോഭകരെ പ്രേരിപ്പിച്ചുവെന്നാണ് ആരോപിക്കുന്നത്.
ഒരേ സംഭവത്തിൽ ബി.ജെ.പി ഭരിക്കുന്ന നാല് സംസ്ഥാനങ്ങളിലാണ് തരൂരിനെതിരെ കേസ് എടുത്തിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.