ഇംഫാൽ: കോവിഡ് വാക്സിനെടുത്താൽ ടെലിവിഷനോ മൊബൈൽ ഫോണോ പുതപ്പോ സമ്മാനമടിക്കാൻ അവസരം. സംഭവം മണിപ്പൂരിലാണെന്നുമാത്രം. ഇംഫാൽ വെസ്റ്റ് ജില്ലയിൽ വാക്സിനേഷൻ പരിപാടിക്ക് വേഗം വർധിപ്പിക്കാനാണ് ജില്ല അധികൃതർ 'കുത്തിവെപ്പെടുക്കൂ, സമ്മാനം നേടൂ' എന്ന പദ്ധതി പ്രഖ്യാപിച്ചത്.
ജില്ലയിലെ മൂന്നു വാക്സിനേഷൻ കേന്ദ്രങ്ങളിൽ ഏതെങ്കിലുമൊന്നിൽനിന്ന് ഈമാസം 24 മുതൽ 31വരെയുള്ള കാലയളവിൽ കുത്തിവെപ്പ് എടുക്കുന്നവരിൽ ഭാഗ്യശാലികൾക്കാണ് സമ്മാനം കാത്തിരിക്കുന്നത്. ഒന്നാം സമ്മാനം വലിയ സ്ക്രീൻ ടെലിവിഷനും രണ്ടാം സമ്മാനം മൊബൈൽ ഫോണും മൂന്നാം സമ്മാനം പുതപ്പുകളുമാണ്. മറ്റ് 10 പ്രോത്സാഹന സമ്മാനങ്ങളുമുണ്ട്. 18 വയസ്സിന് മുകളിലുള്ള ആർക്കും 'മത്സരത്തിൽ' പങ്കെടുക്കാമെന്നാണ് അധികൃതർ അറിയിച്ചിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.