വ്യോമസേന ട്രെയി​നിയുടെ മരണം; ആറ്​ ഉദ്യോഗസ്ഥർക്കെതിരെ കൊലക്കുറ്റം

ബം​ഗ​ളൂ​രു: ബം​ഗ​ളൂ​രു ജാ​ല​ഹ​ള്ളി വ്യോ​മ​സേ​ന​ ടെ​ക്നി​ക്ക​ൽ കോ​ള​​ജ്​ (എ.​എ​ഫ്.​ടി.​സി) ട്രെ​യി​​നി​യെ മ​രി​ച്ച​നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ ആ​റു വ്യോ​മ​സേ​ന ഉ​ദ്യോ​ഗ​സ്ഥ​രു​ടെ പേ​രി​ൽ കൊ​ല​ക്കു​റ്റ​ത്തി​ന്​ കേ​സെ​ടു​ത്തു.

എ​യ​ർ കോ​മ​ഡോ​ർ, ഗ്രൂ​പ്​ ക്യാ​പ്​​റ്റ​ൻ, വി​ങ്​ ക​മാ​ൻ​ഡ​ർ ഉ​ൾ​പ്പെ​ടെ​യു​ള്ള​വ​രു​ടെ പേ​രി​ലാ​ണ്​ ഗം​ഗ​മ്മ​ന​ഗു​ഡി പൊ​ലീ​സ്​ കേ​സെ​ടു​ത്ത​ത്. ബു​ധ​നാ​ഴ്ച​യാ​ണ്​​ കോ​ള​ജ്​ ട്രെ​യി​നി​യാ​യ ഡ​ൽ​ഹി സ്വ​ദേ​ശി അ​ങ്കി​തി​നെ​ (27) ഹോ​സ്റ്റ​ലി​ലെ ഒ​ഴി​ഞ്ഞ മു​റി​യി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ബ​ന്ധു​ക്ക​ളു​​ടെ പ​രാ​തി​യി​ലാ​ണ്​ കേ​സ്.

ആ​ത്മ​ഹ​ത്യ​ക്കു​റി​പ്പി​ൽ ഈ ​ഉ​ദ്യോ​ഗ​സ്ഥ​ർ​ക്കെ​തി​രെ പ​രാ​മ​ർ​ശ​മു​ണ്ട്. നേ​ര​​ത്തേ അ​ങ്കി​തി​നെ എ.​എ​ഫ്.​ടി.​സി​യി​ൽ​നി​ന്ന്​ പു​റ​ത്താ​ക്കി​യി​രു​ന്നു. ഇ​തു​മാ​യി ബ​ന്ധ​പ്പെ​ട്ട ന​ട​പ​ടി​ക​ൾ പു​രോ​ഗ​മി​ക്കു​ന്ന​തി​നി​ടെ​യാ​ണ്​ മ​ര​ണം. പു​റ​ത്താ​ക്ക​​പ്പെ​ട്ട​തി​നെ തു​ട​ർ​ന്ന്​ ഇ​യാ​ൾ ക​ടു​ത്ത മാ​ന​സി​ക​സ​മ്മ​ർ​ദ​ത്തി​ലാ​യി​രു​ന്നു​വെ​ന്ന്​ ബ​ന്ധു​ക്ക​ൾ മൊ​ഴി ന​ൽ​കി​യി​ട്ടു​ണ്ട്. പൊ​ലീ​സ്​ ക​ണ്ടെ​ടു​ത്ത കു​റി​പ്പി​ൽ ചി​ല ഓ​ഫി​സ​ർ​മാ​ർ മാ​ന​സി​ക​മാ​യി പീ​ഡി​പ്പി​ക്കു​ന്നു​വെ​ന്നും ചി​ല രേ​ഖ​ക​ളി​ൽ ഒ​പ്പി​ടു​വി​ച്ചു​വെ​ന്നും പ​റ​യു​ന്നു​ണ്ട്.

കൊ​ച്ചി​യി​ലാ​യി​രു​ന്ന അ​ങ്കി​തി​ന്റെ സ​ഹോ​ദ​ര​ൻ അ​മ​ൻ ബം​ഗ​ളൂ​രു​വി​ൽ എ​ത്തു​ന്ന​തി​നു​ മു​മ്പു​ത​ന്നെ മൃ​ത​ദേ​ഹം സം​ഭ​വ​സ്ഥ​ല​ത്തു​നി​ന്ന്​ മാ​റ്റി​യി​രു​ന്നു​വെ​ന്നും തെ​ളി​വ്​ ന​ശി​പ്പി​ക്കാ​ൻ ശ്ര​മം ന​ട​ന്നു​വെ​ന്നും പ​രാ​തി​യി​ൽ പ​റ​യു​ന്നു​ണ്ട്. പോ​സ്റ്റ്​​മോ​ർ​ട്ടം റി​പ്പോ​ർ​ട്ട്​ ല​ഭി​ച്ചാ​​ലേ മ​ര​ണ​കാ​ര​ണം വ്യ​ക്ത​മാ​വൂ​വെ​ന്നാ​ണ്​ പൊ​ലീ​സ്​ പ​റ​യു​ന്ന​ത്.