ബംഗളൂരു: വിജയനഗറിൽ പ്രമുഖ ഗായകൻ കൈലാശ് ഖേറിന് നേരെ സംഗീതപരിപാടിക്കിടെ കുപ്പിയേറ്. ഞായറാഴ്ച വൈകീട്ട് ഹംപി ഉത്സവത്തിന്റെ ഭാഗമായി നടന്ന സംഗീത പരിപാടിയിലാണ് സംഭവം. പരിപാടിയിൽ കന്നഡ പാട്ടുകൾ പാടണമെന്ന് ആവശ്യപ്പെട്ട് രണ്ട് യുവാക്കൾ കുപ്പിയേറ് നടത്തുകയായിരുന്നെന്ന് പൊലീസ് പറഞ്ഞു.
സംഭവത്തിൽ രണ്ടു യുവാക്കൾ പിടിയിലായി. ഇവരുടെ പേരുവിവരങ്ങൾ വെളിപ്പെടുത്തിയിട്ടില്ല. പരിപാടിയുടെ തുടക്കത്തിൽതന്നെ കന്നട പാട്ടുകൾ പാടണമെന്ന് ആവശ്യപ്പെട്ടെങ്കിലും പരിഗണിക്കാതായതോടെ കുപ്പിയെറിയുകയായിരുന്നു. ലോകപൈതൃക പട്ടികയിൽ ഇടംപിടിച്ച ഹംപിയിൽ ജനുവരി 27നാണ് ഉത്സവം തുടങ്ങിയത്. സംസ്ഥാനത്ത് വിജയപുര ജില്ല രൂപവത്കരിച്ചതിന് ശേഷം ആദ്യമായാണ് ഹംപി ഉത്സവം നടക്കുന്നത്. വിനോദ സഞ്ചാരികളടക്കം ആയിരങ്ങളാണ് ഹംപി ഉത്സവത്തിന് എത്തുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.