ന്യൂഡൽഹി: കോൺഗ്രസ് അധ്യക്ഷനായി രാഹുൽ ഗാന്ധിയെ ഒൗപചാരികമായി തെരഞ്ഞെടുക്കുന്നതിെൻറ സമയം തീരുമാനിക്കാൻ പാർട്ടി പ്രവർത്തകസമിതി ഇന്ന് ചേരും. കോൺഗ്രസ് അധ്യക്ഷ സോണിയ ഗാന്ധിയുടെ വസതിയായ 10-ജൻപഥിൽ രാവിലെ 10.30നാണ് പ്രവർത്തകസമിതി യോഗം. രാഹുലിന് എതിർസ്ഥാനാർഥികൾ ഉണ്ടാവില്ല. എന്നാൽ, സംഘടനപരമായ അംഗീകാരനടപടി പൂർത്തിയാക്കണമെന്ന് സോണിയ ഗാന്ധി നിർദേശിച്ചതിെൻറ അടിസ്ഥാനത്തിലാണ് യോഗം.
പ്രവർത്തക സമിതി തെരഞ്ഞെടുപ്പ് സമയം അംഗീകരിച്ചാൽ പാർട്ടിയുടെ കേന്ദ്ര തെരഞ്ഞെടുപ്പ് സമിതി തീയതി പ്രഖ്യാപിക്കും. ഡിസംബർ ഒമ്പതിന് നടക്കുന്ന ആദ്യഘട്ട ഗുജറാത്ത് തെരഞ്ഞെടുപ്പിന് മുമ്പ് തന്നെ അധ്യക്ഷനെ തെരഞ്ഞെടുക്കാനാണ് കോൺഗ്രസ് ഒരുങ്ങുന്നത്. തെരഞ്ഞെടുപ്പ് രംഗം ചൂടുപിടിക്കുന്നതിനൊപ്പം രാഹുലിനെ ഒൗപചാരികമായി പാർട്ടിയുടെ അമരത്ത് എത്തിക്കുകയാണ് കോൺഗ്രസിെൻറ ലക്ഷ്യം. ഡിസംബറിൽ എ.െഎ.സി.സി സമ്മേളനമാണ് രാഹുലിനെ പ്രസിഡൻറായി വാഴിക്കുന്ന പ്രക്രിയ പൂർത്തിയാക്കുക. അടുത്ത പൊതുതെരഞ്ഞെടുപ്പിൽ കോൺഗ്രസിനെ നയിക്കുന്നത് രാഹുൽ ആയിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.