ന്യൂഡൽഹി: കോവിഡ് 19നെ പ്രതിരോധിക്കാൻ ശരിയായ ദിശയിലേക്കുള്ള കേന്ദ്ര സർക്കാറിന്റെ ആദ്യചുവടാണ് ധനമന്ത്രി നിർമല സീതാരാമൻ പ്രഖ്യാപിച്ച 1.7 ലക്ഷം കോടിയുടെ പ്രത്യേകപാക്കേജെന്ന് കോൺഗ്രസ് നേതാവ് രാഹുൽ ഗാന്ധി. രാജ്യം ലോക്ഡൗൺ നേരിടുന്ന അവസരത്തിൽ കേന്ദ്രം പ്രഖ്യാപിച്ച ധനസഹായ പാക്കേജ് ശരിയായ ദിശയിലേക്കുള്ള ആദ്യ ചുവടാണെന്ന് അദ്ദേഹം ട്വിറ്ററിൽ കുറിച്ചു.
ലോക്ഡൗണിെൻറ വിഷമം അനുഭവിക്കുന്ന കർഷകർ, ദിവസ വേതനക്കാർ, തൊഴിലാളികൾ, വനിതകൾ, പ്രായമായവർ എന്നിവരെ സഹായിക്കേണ്ടത് ഇന്ത്യയുടെ കടമയാണെന്നും രാഹുൽ ചൂണ്ടിക്കാട്ടി.
ഈ വിഭാഗങ്ങളുടെ വിഷമങ്ങൾ പരിഹരിക്കാൻ പദ്ധതികൾ ആവിഷ്കരിക്കാതെ പ്രധാനമന്ത്രി നരേന്ദ്ര മോദി ലോക്ഡൗൺ പ്രഖ്യാപിച്ചതിനെ രാഹുൽ ഗാന്ധി നേരത്തേ വിമർശിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.