ശ്രീനഗർ: കശ്മീരിൽ പോസ്റ്റ്പെയ്ഡ് മൊബൈൽ സേവനം ശനിയാഴ്ച മുതൽ പുനഃരാരംഭിച്ചേക്കും. 68 ദിവസമായി കശ്മീരിൽ തടസപ്പെട്ട മൊബൈൽ സേവനങ്ങളാണ് ഭാഗികമായി പുനഃരാരംഭിക്കുന്നത്. കശ്മീരിന് പ്രത്യേക അധികാരങ്ങൾ നൽകുന്ന ആർട്ടിക്കൾ 370 എടുത്ത് കളഞ്ഞതിന് പിന്നാലെയാണ് മൊബൈൽ സേവനം റദ്ദാക്കിയത്. അതേസമയം കശ്മീരിലെ ഇൻറർനെറ്റ് സേവനം ഇപ്പോൾ പുനഃരാരംഭിക്കില്ലെന്നാണ് റിപ്പോർട്ടുകൾ.
കശ്മീർ താഴ്വരയിൽ ഏകദേശം 66 ലക്ഷം മൊബൈൽ ഉപയോക്താക്കളാണ് ഉള്ളത്. ഇതിൽ 40 ലക്ഷവും പോസ്റ്റ്പെയ്ഡ് കണക്ഷനുകളാണ്. വിനോദസഞ്ചാരികൾക്കായി കശ്മീർ തുറന്ന് കൊടുത്തതിന് പിന്നാലെയാണ് പുതിയ നീക്കം.
കശ്മീരിൽ മൊബൈൽ സേവനം ഇല്ലാതെ ആരും വിനോദസഞ്ചാരത്തിന് എത്തില്ലെന്ന് ടൂറിസം രംഗത്ത് പ്രവർത്തിക്കുന്നവർ കേന്ദ്രസർക്കാറിനെ അറിയിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.