മോദിയുടെ കണ്ണീരിന്​ ജീവൻ രക്ഷിക്കാനാകില്ല, ഒാക്​സിജന്​ കഴിയും -ധവളപത്രം പുറത്തിറക്കി രാഹുൽ ഗാന്ധി

ന്യൂഡൽഹി: പ്രധാനമ​ന്ത്രി നരേ​ന്ദ്രമോദി കോവിഡ്​ 19 മഹാമാരിയെ ഗൗരവമായി ​എടുത്തില്ലെന്നും പകരം, ​മാർച്ച്​ -ഏപ്രിൽ മാസങ്ങളിൽ നടന്ന പശ്ചിമബംഗാൾ തെര​ഞ്ഞെടുപ്പിൽ ശ്രദ്ധ കേന്ദ്രീകരിച്ചുവെന്നും കോൺഗ്രസ്​ നേതാവ്​ രാഹുൽ ഗാന്ധി.​ കോവിഡ് പ്രതിരോധ പ്രവർത്തനങ്ങളിലെ പാളിച്ചകൾ ചൂണ്ടിക്കാട്ടി​ ധവള പത്രം പുറത്തിറക്കിയതിന്​ ശേഷം സംസാരിക്കുകയായിരുന്നു അദ്ദേഹം.

രാജ്യത്തെ രണ്ടാം തരംഗത്തിലെ 90 ശതമാനവും മരണവും ഒാക്​സിജ​െൻറ ക്ഷാമത്തെ തുടർന്നായിരുന്നു. പ്രധാനമ​ന്ത്രിയുടെ കണ്ണുനീരിന്​ ഒരിക്കലും ഉറ്റവരുടെ ജീവൻ നഷ്​ടപ്പെട്ട കുടുംബങ്ങളുടെ വേദന തുടയ്​ക്കാൻ കഴിയില്ല. അവരുടെ ജീവൻ രക്ഷിക്കാനും കഴിയില്ല. പക്ഷേ ഒാക്​സിജന്​ കഴിയും. ധവളപത്രം പുറത്തിറക്കുന്നത്​ ഒരിക്കലും കേന്ദ്രസർക്കാറിനെ വിമർശിക്കുന്നതിനല്ല, പകരം മൂന്നാംതരംഗത്തി​െൻറ ആഘാതത്തിൽനിന്ന്​ രാജ്യത്തെ രക്ഷിക്കുന്നതിനാണ്​. രാജ്യത്തി​െൻറ കോവിഡ്​ പ്രതിരോധത്തിൽ എന്ത്​ തെറ്റാണ്​ സംഭവിച്ചതെന്നതിനെക്കുറിച്ച്​ വിവരങ്ങളും ഉൾക്കാഴ്​ചകളും നൽകുകയാണ്​ ലക്ഷ്യം -രാഹുൽ ഗാന്ധി പറഞ്ഞു.

കോവിഡിനെ തുടർന്ന്​ ജീവൻ നഷ്​ടമായവരുടെ കുടുംബങ്ങൾക്ക്​ നഷടപരിഹാരം നൽകാൻ സർക്കാറിന്​ കഴിയില്ലെന്ന്​ വ്യക്തമാക്കിയതിനെതിരെയും രാഹുൽ ഗന്ധി വിമർശിച്ചു. പെട്രോൾ ഡീസൽ വില വർധനയിലുടെ നാലു ലക്ഷം കോടി രൂപയാണ്​ കേന്ദ്രം സൃഷ്​ടിക്കുന്നത്​. വരുമാനദായകർ നഷ്​ടമായ കുടുംബങ്ങൾക്ക്​ നഷ്​ടപരിഹാരം നൽകണമെന്നും അദ്ദേഹം ആവശ്യപ്പെട്ടു.

കോവിഡി​െൻറ മൂന്നാം തരം​ഗ​ത്തിനെ എങ്ങനെ നേരിടണമെന്നതി​െൻറ ബ്ലൂ പ്രിൻറാണ്​ ഇൗ പ്രബന്ധം. രണ്ടാം തരംഗം കൈകാര്യം ചെയ്​തതിൽനിന്ന്​ സർക്കാറി​െൻറ ഉൾക്കാഴ്​ചയും പ്രവർത്തനങ്ങളും തെറ്റാണെന്ന്​ തെളിഞ്ഞു. അതിലൂടെ മൂന്നാം തരംഗം രാജ്യത്തിന്​ വിനാശകരമായി തീരും -രാഹുൽ ഗാന്ധി പറഞ്ഞു.

മൂന്നാം തരംഗത്തി​െൻറ വരവാണ്​ ഇനിയെന്ന്​ രാജ്യത്തെ എല്ലാവർക്കും അറിയാം. സർക്കാർ അതിനെ നേരിടാൻ തീർച്ചയായും പരിശ്രമിക്കണം. അതാണ്​ ഞങ്ങളുടെ ലക്ഷ്യം. വാക്​സിനേഷനാണ്​ നെടുംതൂൺ. 100 ശതമാനം വാക്​സിനേഷനാണ്​ ഏറ്റവും പ്രധാനം. അവശ്യമായ ​ആശുപത്രി കിടക്കകളും ഒാക്​സിജൻ, വെൻറി​ലേറ്റർ ഉൾപ്പെടെയുള്ള സൗകര്യങ്ങളുമാണ്​ രണ്ടാമത്തെ പ്രധാനപ്പെട്ട കാര്യം. അതി​െൻറ ലഭ്യത ഉറപ്പാക്കണം -രാഹുൽ ഗാന്ധി കൂട്ടിച്ചേർത്തു.