ന്യൂഡൽഹി: ലോക്സഭ തെരഞ്ഞെടുപ്പിൽ കോൺഗ്രസ്-ആം ആദ്മി സഖ്യമുണ്ടാവില്ലെന്ന് സൂചന. സഖ്യമുണ്ടാവില്ലെന്ന വി വരം കോൺഗ്രസ് അധ്യക്ഷൻ പി.സി.സി പ്രസിഡൻറ് ഷീലാ ദീക്ഷിതിനെ അറിയിച്ചുവെന്നാണ് റിപ്പോർട്ട്. പി.സി ചാക്കോ, കെ.സി വേണുഗോപാൽ തുടങ്ങിയവരുമായി നടത്തിയ ചർച്ചക്കൊടുവിലാണ് ഇക്കാര്യത്തിൽ അന്തിമ തീരുമാനമുണ്ടായതെന്നാണ് സൂചന.
ഷീലാ ദീക്ഷിതിൻെറ വസതിയിൽ ശനിയാഴ്ച അർധരാത്രിയും സഖ്യം സംബന്ധിച്ച് കൂടിയാലോചനകൾ നടന്നിരുന്നു. ആം ആദ്മിയുമായി സഖ്യമില്ലെന്ന് അറിയിച്ച് കൊണ്ടുള്ള ഔദ്യോഗിക പ്രഖ്യാപനം ഇന്ന് ഉണ്ടാവുമെന്നാണ് പ്രതീക്ഷിക്കുന്നത്. ഡൽഹിയിൽ ആം ആദ്മിയുമായുള്ള സഖ്യം ദീർഘകാല അടിസ്ഥാനത്തിൽ പാർട്ടിക്ക് തിരിച്ചടിയുണ്ടാക്കുമെന്ന് ഷീലാ ദീക്ഷിത് രാഹുൽ ഗാന്ധിയേയും സോണിയയേയും അറിയിച്ചിരുന്നു.
സഖ്യമുണ്ടാവില്ലെന്ന് ഉറപ്പായതോടെ ഡൽഹിയിലെ ഏഴ് ലോക്സഭ സീറ്റുകളിലേക്കുമുള്ള സ്ഥാനാർഥികളെ കോൺഗ്രസ് നിശ്ചയിച്ചുവെന്നാണ് റിപ്പോർട്ടുകൾ. നേരത്തെ ഇരു പാർട്ടികളുമായി സഖ്യം സംബന്ധിച്ച് എൻ.സി.പി അധ്യക്ഷൻ ശരത് പവാർ ചർച്ച നടത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.