ന്യൂഡൽഹി: വിമാനത്തിൽ അപമര്യാദയായി പെരുമാറിയ യാത്രക്കാരനെ എയർ ഇന്ത്യ പുറത്താക്കി. തിങ്കളാഴ്ച രാവിലെ ഡൽഹിയിൽനിന്ന് ലണ്ടനിലേക്ക് പുറപ്പെട്ട വിമാനത്തിലാണ് സംഭവം. ഇതേത്തുടർന്ന്, വിമാനം തിരിച്ചിറക്കുകയായിരുന്നു. വിമാനത്താവള സുരക്ഷാ ഉദ്യോഗസ്ഥരെ ഏല്പിച്ച യാത്രക്കാരനെതിരെ പൊലീസിൽ പരാതി നൽകുകയും ചെയ്തിട്ടുണ്ട്.
വിമാനം പുറപ്പെട്ടതുമുതൽ കുഴപ്പമുണ്ടാക്കിയ യാത്രക്കാരന് രേഖാമൂലവും വാക്കാലും മുന്നറിയിപ്പ് നൽകിയിട്ടും വഴങ്ങാൻ കൂട്ടാക്കിയില്ല. രണ്ട് കാബിൻ ജീവനക്കാരെ കൈയേറ്റം ചെയ്തു.
രാവിലെ 6.35നാണ് വിമാനം ഡൽഹി വിമാനത്താവളത്തിൽനിന്ന് പുറപ്പെട്ടത്. യാത്രക്കാരന്റെ പ്രകോപന പെരുമാറ്റം കാരണം 9.40നാണ് തിരിച്ചിറങ്ങിയത്. 225 യാത്രക്കാരാണ് വിമാനത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.