ബംഗളൂരു: കോവിഡ് രോഗികളുമായി സഞ്ചരിച്ച ആംബുലൻസിനും ആരോഗ്യവകുപ്പിെൻറ അകമ്പടി വാഹനത്തിനും നേരെ കല്ലേറ്. കർണാടകയിലെ കമലാപൂർ താലൂക്കിലെ മർമാഞ്ചി താൻഡ ഗ്രാമത്തിലാണ് സംഭവം.
തിങ്കളാഴ്ച വൈകുന്നേരത്തോടെ ഗ്രാമത്തിലെ 15 പേർക്ക് കോവിഡ് സ്ഥിരീകരിച്ചിരുന്നു. പരിശോധനഫലം വന്നതോടെ വീട്ടിൽ നിരീക്ഷണത്തിൽ കഴിഞ്ഞിരുന്ന ഇവരെ ആശുപത്രിയിലെത്തിക്കുന്നതിനായി ആംബുലൻസുമായി ആരോഗ്യ പ്രവർത്തകൾ ഗ്രാമത്തിലെത്തി. രോഗികളെ എല്ലാവരെയും ആംബുലൻസിൽ കയറ്റി. ഇതിനിടെ ആരോഗ്യ പ്രവർത്തകരിൽ ഒരാളും ഗ്രാമവാസികളും തമ്മിൽ വാക്കേറ്റമുണ്ടാകുകയായിരുന്നു.
തുടർന്ന് രോഗികൾ സഞ്ചരിച്ചിരുന്ന ആംബുലൻസിന് നേരെയും ആരോഗ്യ പ്രവർത്തകരുടെ അകമ്പടി വാഹനത്തിന് നേരെയും ഗ്രാമവാസികൾ കല്ലെറിയുകയായിരുന്നു. സംഭവത്തെ തുടർന്ന് ഗ്രാമവാസികൾക്കെതിരെ കമലാപൂർ പൊലീസ് കേസെടുത്തു.
LATEST VIDEO:
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.