എങ്ങനെ വോട്ടു നേടാം... ബി.ജെ.പി നേതാക്കളെ ഉപ​േദശിച്ച്​ മധ്യപ്രദേശ്​ ഗവർണർ

സത്​ന: വോട്ട്​ നേടാൻ എന്തു ചെയ്യണമെന്ന്​ ബി.ജെ.പി നേതാക്കളെ ഉപദേശിക്കുന്ന മധ്യപ്രദേശ്​ ഗവർണറുടെ വിഡിയോയാണ്​ ഇപ്പോൾ തരംഗമായിരിക്കുന്നത്​. ഇൗ വർഷം അവസാനം തെരഞ്ഞെടുപ്പ്​ നടക്കാനിരിക്കുന്ന മധ്യപ്രദേശിൽ നിന്ന്​ എങ്ങനെ വോട്ടു നേടാം എന്ന പാഠമാണ്​ ഗവർണർ ആനന്ദിബെൻ പ​േട്ടൽ നേതാക്കൾക്ക്​ ഉപദേശിക്കുന്നത്​. 

സാമ്പത്തികമായി പിന്നാക്കം നിൽക്കുന്നതും പോഷകാഹാരക്കുറവുള്ളതുമായ കുട്ടികളെ ദത്തെടുക്കുന്നതിലൂടെ മാത്രമേ നിങ്ങൾക്ക്​ വോട്ടു നേടാൻ സാധിക്കൂവെന്ന്​ ബെൻ പറയുന്നു. ബി.ജെ.പി ഭരിക്കുന്ന സംസ്​ഥാനത്ത്​ രണ്ടു ദിവസത്തെ സന്ദർശനത്തിനെത്തിയ രാഷ്​ട്രപതി രാം നാഥ്​ കോവിന്ദിനൊപ്പം ചിത്രകൂടിലേക്കുള്ള യാത്രക്കി​െടയായിരുന്നു നേതാക്കൾക്ക്​ ഗവർണർ വക ഉപ​േദശം. 

മറ്റുള്ളവരോട്​ അന്വേഷിച്ച്​ ഒരു പ്രചാരണം നടത്തണ​െമന്നും ബെൻ സത്​ന മേയർ മംത പാണ്ഡെയോടും മറ്റു നേതാക്കളോടുമായി പറയുന്നു. അങ്കണവാടിയിൽ നിന്ന്​ ധാരാളം കുട്ടികളെ ദത്തെടുത്തിട്ടുണ്ടെന്ന്​ പാണ്ഡെ മറുപടിയും നൽകുന്നുണ്ട്​. 

എന്നാൽ അങ്കണവാടിയിൽ നിന്ന്​ ദത്തെടുത്തതുകൊണ്ടു മാത്രം വോട്ട്​ ലഭിക്കുകയില്ലെന്ന്​ ബെൻ ഉപദേശിക്കുന്നു. ഗ്രാമങ്ങളിലേക്ക്​ ചെല്ലണം. ഗ്രാമീണർക്കൊപ്പം ചെലവഴിക്കുക. അവർക്കൊപ്പമിരുന്ന്​ കുട്ടികളെ താലോലിക്കുക. കുട്ടികളെ സംരക്ഷിക്കുക. എന്നാൽ നിങ്ങൾക്ക്​ കൂടുതൽ വോട്ടുകൾ ലഭിക്കും. എങ്കിൽ മാത്രമേ 2022 നെ കുറിച്ച്​ ന​േ​രന്ദ്ര ഭായിക്കുള്ള (നരേന്ദ്ര മോദി) സ്വപ്​നം പൂവണിയൂവെന്നും ​െബൻ വ്യക്​തമാക്കുന്നു. നിങ്ങൾ വോട്ട്​ വേണ്ട. എന്നാൽ ഞങ്ങൾക്കത്​ ആവശ്യമുണ്ടെന്ന്​ കൂടെയുള്ള ഉദ്യോഗസ്​ഥരോടും ബെൻ പറയുന്നതായി വിഡിയോയിലുണ്ട്​. 

എന്നാൽ ബെന്നി​​​െൻറ ഉപ​േദശം തരംഗമായതോടെ ആരോപണവുമായി പ്രതിപക്ഷം രംഗത്തെത്തി. ആനന്ദിബെൻ ത​​​െൻറ ഭരണഘടനാ പദവി ദുരുപയോഗം ചെയ്യുകയാണെന്ന്​ പ്രതിപക്ഷം ആരോപിച്ചു. ആനന്ദി​െബന്നിനെതിരെ ഉചിതമായ നടപടി സ്വീകരിക്കണമെന്ന്​ ആവശ്യപ്പെട്ട്​ രാഷ്​ട്രപതി ഭവനിലേക്ക്​ കത്തെഴുതാനിരിക്കുകയാണ്​ കോൺഗ്രസ്​.