ന്യൂഡൽഹി: ബസ് യാത്രക്കിടെ ഫോൺ മോഷ്ടിച്ചയാളെ കായികതാരം ഒാടിച്ചിട്ട് പിടിച്ചു. ദേശീയ ഹോക്കി താരം റിതു ബോറയാണ് സുഹൃത്തിെൻറ ഫോൺ മോഷ്ടിച്ചയാളെ പിടികൂടിയത്. ഡൽഹിയിലെ പഞ്ചാബി ബാഗിൽ ജനുവരി 20 നായിരുന്നു സംഭവം.
മൂന്ന് കൂട്ടുകാരോടൊപ്പം പീരാഗാർഹിയിലേക്ക് പോകുന്നതിനായി ബസിൽ കയറിയതായിരുന്നു റിതു. കുറച്ച് കഴിഞ്ഞ് റിതുവിെൻറ കൂട്ടുകാരിയുടെ ഫോൺ തട്ടിയെടുത്ത് രണ്ട്പേർ മന്ദിപൂർ ബസ്സ്റ്റോപ്പിൽ ഇറങ്ങുകയും ബസ് അൽപ ദൂരം മുന്നോട്ട് നീങ്ങുകയും ചെയ്തു. ഇക്കാര്യം റിതുവിനെ സുഹൃത്തായ പെൺകുട്ടി അറിയച്ചതിനെ തുടർന്ന് ഉടൻ ബസ് നിർത്താൻ ആവശ്യപ്പെടുകയും വാഹനത്തിൽ നിന്നിറങ്ങി മോഷ്ടാവിെൻറ പിറകെ പോയി പിടികൂടുകയായിരുന്നു.
ബക്കൽ ഗ്രാമത്തിലെ അറിയപ്പെടുന്ന മോഷ്ടാവിനെയാണ് പിടികൂടിയതെന്നും ഇയാൾ മുമ്പും പോക്കറ്റടി കേസിൽ അറസ്റ്റിലായതാണെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.