ന്യൂഡൽഹി: ദീപാവലിയുടെ തലേന്ന് വെടിനിർത്തർ കരാറുകൾ ലംഘിച്ച് ആക്രമണം നടത്തിയ പാകിസ്താന് കനത്ത മറുപടി നൽകിയ ഇന്ത്യൻ ജവാൻമാർക്ക് അഭിവാദ്യമർപ്പിച്ച് കോൺഗ്രസ് നേതാവ് രാഹുൽ ഗാന്ധി.
'പാകിസ്താൻ വെടിനിർത്തൽ ലംഘിക്കുമ്പോഴെല്ലാം അതിെൻറ ഭയവും ബലഹീനതയും കൂടുതൽ വ്യക്തമാകും. ഉത്സവ വേളകളിൽ പോലും നമ്മുടെ ജവാൻമാർ അവരുടെ വീടുകളിൽനിന്ന് ഏറെ അകലെ അതിർത്തികൾ സംരക്ഷിക്കാനും പാകിസ്താെൻറ മ്ലേച്ഛമായ പദ്ധതികൾ നശിപ്പിക്കാനും സന്നദ്ധരാണ്. എല്ലാ പട്ടാളക്കാർക്കും എെൻറ അഭിവാദ്യങ്ങൾ' -രാഹുൽ ഗാന്ധി ട്വിറ്ററിൽ കുറിച്ചു.
ജമ്മുകശ്മീരിൽ നിയന്ത്രണരേഖയിൽ വെടിനിർത്തൽ കരാർ ലംഘിച്ച പാക് സേനക്കെതിരെ ഇന്ത്യ നടത്തിയ പ്രത്യാക്രമണത്തിൽ എട്ട് പേർ കൊല്ലപ്പെട്ടുവെന്നാണ് റിപ്പോർട്ട്. വാർത്ത ഏജൻസിയായ എ.എൻ.ഐയാണ് സൈനികവൃത്തങ്ങളെ ഉദ്ധരിച്ച് വാർത്ത റിപ്പോർട്ട് ചെയ്തത്. 10 മുതൽ 12 വരെ പാക് സൈനികർക്ക് പരിക്കേറ്റുവെന്നും റിപ്പോർട്ടുകളുണ്ട്.
നേരത്തെ നിയന്ത്രണരേഖയിൽ പാകിസ്താൻ നടത്തിയ ഷെല്ലാക്രമണത്തിൽ നാല് സൈനികർ വീരമൃത്യു വരിച്ചിരുന്നു. നാല് സിവിലിയൻമാരും കൊല്ലപ്പെട്ടു. തുടർന്ന് പാകിസ്താൻ ബങ്കറുകൾക്ക് നേരെ സൈന്യം ശക്തമായ ആക്രമണം നടത്തുകയായിരുന്നു.
നിയന്ത്രണരേഖയിൽ അഞ്ച് ദിവസം മുമ്പ് നടന്ന വെടിവെപ്പിൽ മൂന്ന് സൈനികർ വീരമൃത്യു വരിക്കുകയും മൂന്ന് തീവ്രവാദികൾ കൊല്ലപ്പെടുകയും ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.