ജയ്പൂർ: കോൺഗ്രസ് എം.എൽ.എയും മുൻ രാജസ്ഥാൻ മന്ത്രിയുമായ മഹേന്ദ്രജീത് സിങ് മാളവ്യ കോൺഗ്രസ് വിട്ട് ബി.ജെ.പിയിലേക്ക്. ബി.ജെ.പി സംസ്ഥാന അധ്യക്ഷൻ അരുൺ സിങ്, സംസ്ഥാന യൂനിറ്റ് ചീഫ് സി.പി ജോഷി എന്നിവരുടെ നേതൃത്വത്തിലായിരുന്നു പാർട്ടി പ്രവേശം. രാജസ്ഥാനിൽ ഇരട്ട എഞ്ചിൻ സർക്കാരാണെന്നും രാജ്യം വികസനത്തിലേക്ക് കുതിക്കുകയാണെന്ന് ബി.ജെ.പി അംഗത്വം ഏറ്റുവാങ്ങിയ മാളവ്യ പറഞ്ഞു.
വികസനം വലിയ വിഷയമാണ്. ഇവിടെ ഇരട്ട എഞ്ചിൻ സർക്കാരാണുള്ളത്. സംസ്ഥാനവും രാജ്യവും വികസനത്തിന്റെ പാതയിലാണ്. ലോകം അത് കാണുന്നുണ്ടെന്നും അദ്ദേഹം കൂട്ടിച്ചേർത്തു.
കഴിഞ്ഞ വർഷമാണ് രാജസ്ഥാനിൽ 115 സീറ്റോടെ ബി.ജെ.പി സർക്കാർ അധികാരത്തിലെത്തിയത്. നാല് തവണ കോൺഗ്രസ് എം.എൽ.എയായി പ്രവർത്തിച്ച വ്യക്തിയാണ് മഹേന്ദ്രജീത് സിങ് മാളവ്യ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.