ന്യൂഡൽഹി: വാക്സിൻ സർട്ടിഫിക്കറ്റിലെ തെറ്റ് തിരുത്താൻ സംവിധാനമൊരുക്കി കേന്ദ്രസർക്കാർ. കോവിൻ പോർട്ടലിൽ തന്നെയാണ് ഇതിനുള്ള സംവിധാനവും ഒരുക്കിയിരിക്കുന്നത്. കോവിൻ പോർട്ടലിൽ പുതുതായി കൂട്ടിച്ചേർത്ത Raise an Issue എന്ന ഫീച്ചറിലൂടെ തെറ്റ് തിരുത്താമെന്നാണ് അറിയിപ്പ്.
പേര്, ജനനവർഷം, ലിംഗഭേദം എന്നിവയിലെല്ലാം തെറ്റുണ്ടെങ്കിൽ തിരുത്താം. 10 അംഗം മൊബൈൽ നമ്പർ ഉപയോഗിച്ച് ഒ.ടി.പിയുടെ സഹായത്തോടെ കോവിൻ പോർട്ടലിലേക്ക് ലോഗ് ഇൻ ചെയ്യുകയാണ് ആദ്യം വേണ്ടത്. വാക്സിൻ എടുത്തിട്ടുണ്ടെങ്കിൽ നിങ്ങളുടെ അക്കൗണ്ടിൽ Raise an Issue എന്ന ഓപ്ഷനും കാണും. അതിൽ ക്ലിക്ക് ചെയ്താൽപേര്, ജനനവർഷം, ലിംഗഭേദം ഇതിൽ ഏതിലാണ് തിരുത്തൽ വരുത്തേണ്ടതെന്ന് ചോദിക്കും. ആവശ്യമുള്ളതിൽ ക്ലിക്ക് ചെയ്തതിന് ശേഷം തിരുത്തൽ വരുത്താം.
തിരുത്തൽ വരുത്തിയാൽ ഉടൻ പുതിയ വാക്സിൻ സർട്ടിഫിക്കറ്റ് ലഭിക്കും. കോവിഡ് വാക്സിനേഷന് ശേഷം നൽകുന്ന സർട്ടിഫിക്കറ്റുകളിൽ പിഴവുകളുള്ളതായി റിപ്പോർട്ടുണ്ടായിരുന്നു. ഇതിന് പിന്നാലെയാണ് തെറ്റ് തിരുത്തുന്നതിനുള്ള അവസരവുമായി ആരോഗ്യമന്ത്രാലയം രംഗത്തെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.