ന്യൂഡൽഹി: ബി.എസ്.എൻ.എല്ലിനോട് സുരക്ഷാ ഓഡിറ്റ് നടത്താൻ നിർദേശിച്ച് ടെലികോം മന്ത്രാലയം. ചൈനീസ് ഉപകരണങ്ങൾ ഉപയോഗിക്കുന്നതിനെ തുടർന്നാണ് സുരക്ഷാ ഓഡിറ്റ്. വാവേയ്, സെഡ്.ടി.ഇ തുടങ്ങിയ ചൈനീസ് കമ്പനികളുടെ ഉപകരണങ്ങളാണ് ബി.എസ്.എൻ.എൽ ഉപയോഗിക്കുന്നത്. ബി.എസ്.എൻ.എല്ലിെൻറ സഹസ്ഥാപനമായ എം.ടി.എൻ.എല്ലും ചൈനീസ് ഉപകരണങ്ങളെയാണ് ആശ്രയിക്കുന്നത്.
ബി.എസ്.എൻ.എല്ലിെൻറ 44.4 ശതമാനം ഉപകരണങ്ങളും ചൈനീസ് കമ്പനിയായ സെഡ്.ടി.ഇയുടേതാണ്. ഒമ്പത് ശതമാനം നൽകുന്നത് വാവേയുമാണെന്ന്. എം.ടി.എൻ.എല്ലിെൻറ 10 ശതമാനം ഉപകരണങ്ങൾ ചൈനീസ് നിർമിതമാണ്.
കേന്ദ്രസർക്കാർ രാജ്യസഭയിലാണ് സുരക്ഷാ ഒാഡിറ്റിനെ കുറിച്ചുള്ള വിവരങ്ങൾ പുറത്ത് വിട്ടത്. സെഡ്.ടി.ഇ പോലുള്ള കമ്പനികളുടെ സുരക്ഷയിൽ ആശങ്കയുമായി യു.എസ് ഉൾപ്പടെയുള്ള രാജ്യങ്ങൾ രംഗത്തെത്തിയിരുന്നു. ഇതിന് പിന്നാലെയാണ് ബി.എസ്.എൻ.എല്ലിൽ സുരക്ഷാ ഓഡിറ്റുമായി കേന്ദ്രസർക്കാർ മുന്നോട്ട് പോകുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.