പരിശോധനക്കിടെ രക്ഷപ്പെട്ട യാത്രക്കാരൻ തീവ്രവാദിയല്ലെന്ന്​ ബംഗളൂരു പൊലീസ്​

ബംഗളൂരു: ബംഗളൂരു നമ്മ മെട്രോയിലെ പ്രവേശന കവാടത്തിൽ സുരക്ഷാ പരിശോധനക്കിടെ രക്ഷപ്പെട്ടത്​ സാധാരണ യാത്രക്കാ രനാണെന്നും തീവ്രവാദിയല്ലെന്നും ബംഗളൂരു വെസ്​റ്റ്​ ഡി.സി.പി രവി ഡി. ചന്നണ്ണാവർ പറഞ്ഞു. നായന്ദനഹള്ളി ഗംഗോന്ദനഹ ള്ളി സ്വദേശിയായ റിയാസ്​ അഹ്​മദ്​ (49) എന്നയാളാണ്​ യാത്രക്കാരനെന്നും ഇയാൾ പതിവായി നായന്ദനഹള്ളി^ മെജസ്​റ്റിക്​ റ ൂട്ടിൽ മെട്രോയിൽ സഞ്ചരിക്കുന്നയാളാണെന്നും പൊലീസ്​ പറഞ്ഞു. തിങ്കളാഴ്​ച വൈകീട്ട്​ മെജസ്​റ്റിക്​ മെട്രോ സ് ​റ്റേഷനിലാണ്​ സുരക്ഷാ പരിശോധനക്ക്​ നിൽക്കാതെ യാത്രക്കാരൻ കടന്നുകളഞ്ഞത്​. ഇതി​​െൻറ വിഡിയോ ദൃശ്യം പുറത്തുവന്നതോടെ ബംഗളൂരുവിലെ പ്രധാന കേന്ദ്രങ്ങളിലെല്ലാം പൊലീസ്​ ജാഗ്രത നിർദേശം നൽകിയിരുന്നു.

എന്നാൽ, ബുധനാഴ്​ച വൈകുന്നേരം നാലോടെ റിയാസ്​ അഹ്​മദ്​ അപ്പർ പേട്ട്​ പൊലീസ്​ സ്​റ്റേഷനിലെത്തി പരാതി നൽകുകയായിരുന്നു. പതിവു യാത്രക്കാരനായ തന്നോട്​ സുരക്ഷാ ജീവനക്കാരൻ കുർത്ത ഉയർത്താൻ ആവശ്യപ്പെ​െട്ടന്നും പൊതു സ്​ഥലത്ത്​ അങ്ങനെ ചെയ്യുന്നത്​ ശരിയല്ലെന്ന്​ തോന്നിയതിനാൽ അവിടെ നിന്ന്​ മടങ്ങുകയുമായിരുന്നെന്ന്​ റിയാസ്​ പരാതിയിൽ പറയുന്നു. എന്നാൽ, പിന്നീട്​ ചാനലുകളിൽ ഇതി​​െൻറ വിഡിയോ ദൃശ്യങ്ങൾ വന്നതോടെ ആളുകൾ തന്നെ തീവ്രവാദിയെന്ന നിലയിലാണ്​ കാണുന്നതെന്നും ഇത്​ മാനസികമായി തന്നെ പീഡിപ്പിക്കുന്നതായും അദ്ദേഹം പറഞ്ഞു.

മെജസ്​റ്റിക്​ ബസ്​സ്​റ്റാൻറ്​ സബ്​വേയിൽ ചെറിയ വാച്ച്​ റിപ്പയർ കട നടത്തുകയാണ്​ റിയാസ്​ അഹമ്മദ്​. എല്ലാ ദിവസവും മെട്രോയിലാണ്​ യാത്രയും. സംഭവം നടന്ന ദിവസം മെട്രോയിലെ കിഴക്കുഭാഗത്തുള്ള പ്രവേശന കവാടത്തിലൂടെ അതിക്രമിച്ചു കയറാൻ ഇയാൾ ശ്രമിച്ചെന്ന്​ ​െപാലീസ്​ നേരത്തെ പറഞ്ഞിരുന്നു. എന്നാൽ, അത്​ റിയാസല്ലെന്നും മറ്റൊരാളാണെന്നും പൊലീസ്​ പറഞ്ഞു. അദ്ദേഹത്തെ ക​ണ്ടെണത്താനായി ശ്രമം തുടരുകയാണെന്നും പൊലീസ്​ പറഞ്ഞു.

മാധ്യമങ്ങൾക്ക്​ വിഡിയോ ചോർത്തി നൽകിയവരെയും തെറ്റായ വിവരം കൈമാറിയവരെയും കണ്ടെത്തുമെന്നും പൊലീസ്​ അറിയിച്ചു. ബുധനാഴ്​ച രാവിലെ സിറ്റി പൊലീസ്​ കമ്മീഷണർ ടി. സുനീൽ കുമാർ വാർത്താ സമ്മേളനം നടത്തി, രക്ഷപ്പെട്ട യാത്രക്കാരനെ പിടികൂടാൻ നാലംഗ പൊലീസ്​ സംഘത്തെ നിയോഗിച്ചതായി അറിയിച്ചിരുന്നു. സുരക്ഷാ പരി​േശാധനക്കിടെ സംശയകരമായ പെരുമാറ്റം യാത്രക്കാരനിൽനിന്നുണ്ടായെന്നും വസ്​ത്രത്തിനടിയിൽ എന്തോ ഉപകരണം ഉണ്ടായിരുന്നെന്നും മെറ്റൽ ഡിറ്റക്​ടർ ശബ്​ദിച്ചപ്പോൾ ഇയാൾ രക്ഷപ്പെ​െട്ടന്നും കമ്മീഷണർ പറഞ്ഞതിന്​ പിന്നാ​െലയാണ്​ റിയാസ്​ അഹമ്മദ്​ സത്യാവസ്​ഥ വെളിപ്പെടുത്തി പൊലീസ്​ സ്​റ്റേഷനിൽ ഹാജരായത്​.