ന്യുഡൽഹി: ഡ്രൈവിങ്ങ് ലൈസൻസിനും കേന്ദ്രസർക്കാർ ആധാർ കാർഡ് നിർബന്ധമാക്കുന്നു. പുതുതായി ഡ്രൈവിങ്ങ് ലൈസൻസ് എടുക്കുന്നവർക്കും നിലവിലുള്ളവ പുതുക്കുന്നവർക്കുമാണ് ആധാർ കാർഡ് നിർബന്ധമാക്കിയത്.
ഒരാൾ ഒന്നിലധികം ഡ്രൈവിങ്ങ് ലൈസൻസുകൾ കൈവശം വെക്കുന്നത് തടയാനും വ്യാജ ഡ്രൈവിങ്ങ് ലൈസൻസുകൾ കണ്ടെത്താനും പുതിയ തീരുമാനം സഹായിക്കുമെന്നാണ് കേന്ദ്രസർക്കാറിെൻറ പ്രതീക്ഷ. ഡ്രൈവിങ്ങ് ലൈസൻസുകൾ നൽകുന്നത് സംസ്ഥാന സർക്കാരിെൻറ പരിധിയിൽ വരുന്ന വിഷയമാണെങ്കിലും ഇൗ മേഖലയിലെ അഴിമതി തടയാൻ ആധാർ അനിവാര്യമാണെന്ന നിലപാടിലാണ് കേന്ദ്രസർക്കാർ.
പാൻകാർഡിനും ആദായ നികുതി റിേട്ടണിനും നേരത്തെ കേന്ദ്രസർക്കാർ ആധാർ കാർഡ് നിർബന്ധമാക്കിയിരുന്നു. മൊബൈൽ നമ്പറുകളെയും ആധാർ കാർഡുമായി ബന്ധിപ്പിക്കാനുള്ള ശ്രമത്തിലാണ് സർക്കാർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.