മാൾഡ: പശ്ചിമ ബംഗാളിൽ ബോംബ് നിർമാണത്തിനിടെ പൊട്ടിത്തെറിച്ച് നാലു പേർ കൊല്ലപ്പെട്ടു. നിരവധി പേർക്ക് പരിക്ക്. അർധരാത്രിക്ക് ശേഷം മാൾഡ ജില്ലയിലെ ജ്വാൻപുരിലായിരുന്നു സംഭവം. നാലു പേരും സംഭവ സ്ഥലത്ത് വെച്ചാണ് മരിച്ചത്.
ബംഗ്ലാദേശ് അതിർത്തിയോട് ചേർന്നുള്ള ഗിയാഷു ഷെയ്കിന്റെ വീട്ടിലാണ് അനധികൃത ബോംബ് നിർമാണം നടന്നതെന്ന് എസ്.പി അറിയിച്ചു. പരിക്കേറ്റവരെ മാൾഡ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
അപകട വിവരം അറിഞ്ഞതിനെ തുടർന്ന് വൻ പൊലീസ് സംഘം സംഭവസ്ഥലത്ത് എത്തിയിട്ടുണ്ട്. സംഭവത്തെ കുറിച്ച് അന്വേഷണം തുടങ്ങിയതായും പൊലീസ് അറിയിച്ചു.
അനധികൃതമായി ബോംബ് നിർമിച്ച തൃണമൂൽ കോൺഗ്രസ് പ്രവർത്തകരാണ് കൊല്ലപ്പെട്ടതെന്ന് റിപ്പോർട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.