കാലിഫോർണിയ: രോഗലക്ഷണങ്ങൾ കണ്ടുതുടങ്ങുന്നതിന് മുമ്പുതന്നെ 50തരം അർബുദം കണ്ടെത്താൻ 'ഗാലേരി' രക്തപരിശോധനയുമായി ശാസ്ത്രജ്ഞർ. ക്ലിനിക്കൽ അടയാളങ്ങളോ ലക്ഷണമോ കാണിക്കുന്നതിന് മുമ്പുതന്നെ മൾട്ടി -കാൻസർ സ്ക്രീനിങ് ടെസ്റ്റായി 'ഗാലേരി' ഉപയോഗിക്കാം.
രോഗലക്ഷണങ്ങളില്ലാത്ത 50 വയസിനും അതിന് മുകളിലുള്ളവർക്കും ഇൗ പരിശോധനയിലൂടെ നേരത്തേ രോഗം കണ്ടെത്താനാകും. അതുവഴി ജീവൻ അപകടത്തിലാകുന്നത് കുറക്കാമെന്നും ശാസ്ത്രജ്ഞർ പറയുന്നു.
യു.എസ് കാലിഫോർണിയയിലെ ഗ്രെയ്ൽ കമ്പനിയാണ് പരിശോധന കിറ്റിെൻറ നിർമാതാക്കൾ. ഡോക്ടർമാരുടെ നിർദേശ പ്രകാരം യു.എസിൽ ഇവയുടെ പരിശോധന സാധ്യമാക്കിയിരുന്നു. ഇത് സ്തനം, സെർവിക്കൽ, മൂത്രസഞ്ചി, ശ്വാസകോശം, കുടൽ അർബുദങ്ങൾക്ക് നിലവിലുള്ള സ്ക്രീനിങ് നടപടികൾക്ക് അനുബന്ധമായിരിക്കും. ഒരൊറ്റ രക്തപരിശോധനയിലൂടെ 50തരം അർബുദം കണ്ടുപിടിക്കാമെന്ന് ഗലേരിയുടെ ക്ലിനിക്കൽ പരിശോധനയിൽ സ്ഥിരീകരിച്ചിരുന്നു.
രക്ത സാമ്പിളുകളിലെ ഡി.എൻ.എയിൽ നടത്തുന്ന പരിശോധനയിലൂടെയാകും രോഗനിർണയം. ഗ്രെയ്ൽസിെൻറ ക്ലിനിക്കൽ ട്രയൽ പരീക്ഷണങ്ങൾക്ക് 1,34,000 പേരാണ് പെങ്കടുത്തത്. പരിശോധനയിൽ അർബുദത്തിെൻറ സ്ഥാനം വെളിപ്പെടുത്തുകയും ചെയ്തിരുന്നു.
രക്തപരിശോധനയിലൂടെ അർബുദത്തിെൻറ ഒരു സിഗ്നൽ കണ്ടെത്തുന്നതിനൊപ്പം ഉയർന്ന കൃത്യതയോടെ ശരീരത്തിൽ എവിടെയാണ് ഇതെന്ന് കണ്ടുപിടിക്കാനും സാധിക്കുന്നതായി ചീഫ് മെഡിക്കൽ ഒാഫിസർ ഡോ. ജോഷ്വ ഒാഫ്മാൻ പറയുന്നു. രോഗനിർണയത്തിനും പരിചരണത്തിനുമായി അടുത്ത ഘട്ടങ്ങൾ നിർണയിക്കാൻ ഇത് ആരോഗ്യപ്രവർത്തകരെ സഹായിക്കുന്നുവെന്നും അവർ കൂട്ടിച്ചേർത്തു.
അർബുദം നേരത്തേ കണ്ടെത്താനുള്ള പരിശോധന സംവിധാനം നിലവിലില്ല. കരൾ, പാൻക്രിയാസ്, അന്നനാളം തുടങ്ങിയ മാരക അർബുദം നേരത്തേ കണ്ടെത്താൻ സാധിക്കാറില്ല. നേരത്തേ, ഇൗ അർബുദം കണ്ടെത്താൻ സാധിക്കുകയാണെങ്കിൽ നിരവധി ജീവനുകൾ രക്ഷിക്കാനും കഴിയും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.