ഖ​ത്ത​ർ; പു​തു​മ​യോ​ടെ ആ​രോ​ഗ്യ വെ​ബ്സൈ​റ്റ്

ദോ​ഹ: ആ​രോ​ഗ്യ​മേ​ഖ​ല​യു​ടെ മാ​റ്റ​ങ്ങ​ൾ​ക്കും മി​ക​വി​നു​മൊ​പ്പം ന്യൂ​ജ​ൻ ലു​ക്കി​ൽ പു​തി​യ വെ​ബ്സൈ​റ്റ് അ​വ​ത​രി​പ്പി​ച്ച് ഖ​ത്ത​ർ പൊ​തു​ജ​നാ​രോ​ഗ്യ മ​ന്ത്രാ​ല​യം. ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ, പ്രാ​ഥ​മി​കാ​രോ​ഗ്യ കേ​ന്ദ്രം തു​ട​ങ്ങി ഖ​ത്ത​റി​ലെ പൊ​തു​ജ​നാ​രോ​ഗ്യ സം​വി​ധാ​ന​ത്തി​ന്റെ സ​മീ​പ​കാ​ല​ത്തെ മാ​റ്റ​ങ്ങ​ൾ ഉ​യ​ർ​ത്തി​ക്കാ​ട്ടു​ന്ന​താ​ണ് വെ​ബ്സൈ​റ്റി​ന്റെ പു​തി​യ ഡി​സൈ​ൻ.

ഖ​ത്ത​റി​ലെ പൊ​തു​ജ​നാ​രോ​ഗ്യ സം​വി​ധാ​ന​ത്തി​ന്റെ മാ​റ്റ​ങ്ങ​ൾ ശ്ര​ദ്ധേ​യ​മാ​ണെ​ന്നും സ​മാ​ന​ത​ക​ളി​ല്ലാ​ത്ത പ​രി​വ​ർ​ത്ത​ന പ​രി​പാ​ടി​ക​ളി​ലൂ​ടെ രാ​ജ്യ​ത്തി​ന്റെ വി​ക​സ​ന​ത്തി​ന് പി​ന്തു​ണ ന​ൽ​കു​ന്ന​തി​ൽ ആ​രോ​ഗ്യ പ​രി​പാ​ല​ന മേ​ഖ​ല അ​തി​ന്റെ പ​ങ്കു​വ​ഹി​ച്ചി​ട്ടു​ണ്ടെ​ന്നും പ​ബ്ലി​ക് ഹെ​ൽ​ത്ത് ക​മ്യൂ​ണി​ക്കേ​ഷ​ൻ മ​ന്ത്രി​യു​ടെ ഉ​പ​ദേ​ഷ്ടാ​വും ഹെ​ൽ​ത്ത് കെ​യ​ർ ക​മ്യൂ​ണി​ക്കേ​ഷ​ൻ​സ് സു​പ്രീം ക​മ്മി​റ്റി ചെ​യ​ർ​മാ​നു​മാ​യ അ​ലി അ​ബ്ദു​ല്ല അ​ൽ ഖാ​തി​ർ പ​റ​ഞ്ഞു.

‘നി​ങ്ങ​ൾ​ക്കൊ​പ്പം നി​ങ്ങ​ൾ​ക്കാ​യ്’ എ​ന്ന ത​ല​ക്കെ​ട്ടി​ൽ ന​ട​ത്തു​ന്ന വി​പു​ല​മാ​യ ബോ​ധ​വ​ത്ക​ര​ണ കാ​മ്പ​യി​ന്റെ ഭാ​ഗ​മാ​ണ് പു​തി​യ വെ​ബ്‌​സൈ​റ്റ് ലോ​ഞ്ച് ചെ​യ്തി​രി​ക്കു​ന്ന​ത്.

പൊ​തു​ജ​നാ​രോ​ഗ്യ പ​രി​ര​ക്ഷ സം​വി​ധാ​ന​ത്തി​ന്റെ ഗു​ണ​മേ​ന്മ​യും പു​രോ​ഗ​തി​യും ഉ​യ​ർ​ത്തി​ക്കാ​ട്ടു​ക, സ​മീ​പ വ​ർ​ഷ​ങ്ങ​ളി​ലെ പു​രോ​ഗ​തി​യു​ടെ പ്ര​ധാ​ന വ​ശ​ങ്ങ​ൾ തി​രി​ച്ച​റി​യു​ക, പ്ര​വ​ർ​ത്ത​ന​ശേ​ഷി വി​പു​ലീ​ക​ര​ണം, പു​തി​യ സ്‌​പെ​ഷ​ലി​സ്റ്റ് സേ​വ​ന​ങ്ങ​ൾ അ​റി​യു​ക, ഗു​ണ​നി​ല​വാ​ര​വും അ​ക്ര​ഡി​റ്റേ​ഷ​നും, പ​രി​ച​ര​ണ​ത്തി​ലെ അ​ന്താ​രാ​ഷ്ട്ര നി​ല​വാ​രം എ​ന്നി​വ​യെ പ​രി​ച​യ​പ്പെ​ടു​ത്തു​ക തു​ട​ങ്ങി​യ​വ​യാ​ണ് പു​തി​യ വെ​ബ്‌​സൈ​റ്റി​ലൂ​ടെ ല​ക്ഷ്യ​മി​ടു​ന്ന​ത്.

ആ​രോ​ഗ്യ മേ​ഖ​ല​യു​ടെ വ​ള​ർ​ച്ച​യും വി​ക​സ​ന​വും ലോ​ക​ത്തി​ലെ ഏ​റ്റ​വും​കു​റ​ഞ്ഞ കോ​വി​ഡ് മ​ര​ണ​നി​ര​ക്കു​ള്ള രാ​ജ്യ​ങ്ങ​ളി​ലൊ​ന്നാ​യി ഖ​ത്ത​റി​നെ മാ​റ്റി​യെ​ന്നും ഫി​ഫ ലോ​ക​ക​പ്പ് ഖ​ത്ത​ർ 2022ന്റെ ​ആ​തി​ഥേ​യ​ത്വം വി​ജ​യ​ക​ര​മാ​ക്കു​ന്ന​തി​ൽ ആ​രോ​ഗ്യ​മേ​ഖ​ല സു​പ്ര​ധാ​ന പ​ങ്കാ​ണ് വ​ഹി​ച്ച​തെ​ന്നും ച​രി​ത്ര​ത്തി​ലെ ഏ​റ്റ​വും മ​ഹ​ത്താ​യ ലോ​ക​ക​പ്പാ​യി ഖ​ത്ത​ർ ലോ​ക​ക​പ്പ് വാ​ഴ്ത്ത​പ്പെ​ട്ടു​വെ​ന്നും അ​ൽ​ഖാ​തി​ർ വി​ശ​ദീ​ക​രി​ച്ചു.

പൊ​തു​ജ​നാ​രോ​ഗ്യ സം​വി​ധാ​ന​ത്തി​ന്റെ വി​ജ​യ​ക​ര​മാ​യ പ​രി​വ​ർ​ത്ത​ന​യാ​ത്ര തു​ട​രു​ന്ന​തി​ന് പ്ര​തി​ജ്ഞാ​ബ​ദ്ധ​മാ​ണെ​ന്നും രോ​ഗി​ക​ളു​ടെ പ​രി​ച​ര​ണ​ത്തി​ലേ​ക്കു​ള്ള പ്ര​വേ​ശ​നം കൂ​ടു​ത​ൽ മെ​ച്ച​പ്പെ​ടു​ത്തു​ന്ന​തി​നും പ്രാ​ഥ​മി​ക, ദ്വി​തീ​യ, തൃ​തീ​യ സേ​വ​ന​ങ്ങ​ളു​ടെ ശ്രേ​ണി വി​പു​ലീ​ക​രി​ക്കു​ന്ന​തി​നും രോ​ഗി​ക​ളു​ടെ ചി​കി​ത്സ അ​നു​ഭ​വം വ​ർ​ധി​പ്പി​ക്കു​ന്ന​തി​നും ആ​രോ​ഗ്യ പ​രി​പാ​ല​ന സം​ഘ​ങ്ങ​ൾ പ്ര​തി​ജ്ഞാ​ബ​ദ്ധ​മാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.www.moph.gov.qa/english/medicenter/campaigns/withu4u എ​ന്നാ​ണ് പു​തി​യ വെ​ബ്‌​സൈ​റ്റ് അ​ഡ്ര​സ്.