ദുബൈ: യു.എ.ഇയിലെ ലുലു ഹൈപ്പര്മാര്ക്കറ്റുകളില് വേള്ഡ് ഫുഡ് എക്സ്പോ തുടങ്ങി. ലോകത്തിെൻറ വിവിധഭാഗങ്ങളിലെ ഭക്ഷണവിഭവങ്ങള് ആസ്വദിക്കാം എന്നതാണ് ഈ ഭക്ഷ്യമേളയുടെ പ്രത്യേകത. ഏപ്രില് 10 വരെയാണ് എക്സ്പോ സംഘടിപ്പിക്കുന്നത്. ദുബൈ ഖിസൈസ് ലുലു ശാഖയില് ദുബൈ മുനിസിപ്പാലിറ്റി ഭക്ഷ്യ സുരക്ഷാ വകുപ്പ് പരിശോധനവിഭാഗം മേധാവി ഖാലിദ് അബ്ദുല്ല, ഷെഫ് വിവേക് ഹുറിയ എന്നിവർ ഉത്ഘാടനം ചെയ്തു. ലുലു ദുൈബ റീജിയണൽ ഡയറക്ടർ ജെയിംസ് കെ. വർഗ്ഗീസ്, റീജിയണൽ മാനേജർമാരായ തമ്പാൻ കെ. പി., സലിം വി.സി. എന്നിവർ പങ്കെടുത്തു.
ഷാർജ അൽ വഹ്ദ ശാഖയില് ഷാര്ജ സര്ട്ടിഫിക്കറ്റ് അറ്റസ്റ്റേഷന് വകുപ്പ് ഡയറക്ടര് സെയ്ഫ് അബ്ദുല്ല അല് മത്റൂഷി ഉദ്ഘാടനം ചെയ്തു. ലുലു ഷാർജ റീജിയണൽ ഡയറക്ടർ നൗഷാദ് എം. എ, റീജിയണൽ മാനേജർ മുജീബ് അലി എന്നിവർ പങ്കെടുത്തു. അറബിക് , ഇന്ത്യൻ , ചൈനീസ്, കോണ്ടിനെൻറൽ, ഇറ്റാലിയൻ തുടങ്ങിയ വ്യത്യസ്ത ശൈലിയിലുള്ള രുചി ഭേദങ്ങൾക്കൊപ്പം ഓർഗാനിക്, വെജിറ്റേറിയൻ ഭക്ഷ്യ വിഭവങ്ങൾക്ക് പ്രത്യക മേഖല തന്നെ ഭക്ഷ്യ മേളയിൽ ഒരുക്കിയിട്ടുണ്ട്. കൂടാതെ ബിരിയാണി മേള, പായസ മേള തുടങ്ങിയവയു നടക്കും. വിവിധ മല്സരങ്ങളും അരങ്ങേറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.