ദുബൈ: ദുബൈ കെ.എം.സി.സി കാസർകോട് ജില്ല കമ്മിറ്റി ഞായറാഴ്ച രാവിലെ എട്ടുമുതൽ 12 വരെ ‘വിഷൻ വിസ്ത’ എന്ന പേരിൽ ഏകദിന നേതൃ ക്യാമ്പ് സംഘടിപ്പിക്കും.പേൾ ക്രീക്ക് ഹോട്ടലിൽ നടക്കുന്ന പരിപാടിയിൽ മണ്ഡലം മുനിസിപ്പൽ പഞ്ചായത്ത് ഭാരവാഹികളും പ്രധാന പ്രവർത്തകരും പങ്കെടുക്കും. ക്യാമ്പിൽ രണ്ടു സെഷനിലായി മുസ്ലിം ലീഗ് സംസ്ഥാന പ്രവർത്തക സമിതി അംഗവും പ്രഭാഷകനുമായ അൻസാരി തില്ലങ്കേരിയും ട്രെയിനറും മോട്ടിവേഷൻ സ്പീക്കറുമായ അഡ്വ. ഇബ്രാഹിം പള്ളങ്കോടും നേതൃത്വം നൽകും.
ക്യാമ്പിൽ പങ്കെടുക്കാൻ മണ്ഡലം കമ്മിറ്റി മുഖേന വെള്ളിയാഴ്ച അഞ്ച് മണിക്കുമുമ്പായി രജിസ്ട്രേഷൻ പൂർത്തിയാക്കണമെന്നും മണ്ഡലം മുനിസിപ്പൽ പഞ്ചായത്ത് ഭാരവാഹികൾ പങ്കെടുക്കണമെന്നും ദുബൈ കെ.എം.സി.സി കാസർകോട് ജില്ല കമ്മിറ്റി ഭാരവാഹികളായ അബ്ദുല്ല ആറങ്ങാടി, സലാം കന്യപ്പാടി, ടി.ആർ. ഹനീഫ്, അഫ്സൽ മെട്ടമ്മൽ എന്നിവർ അറിയിച്ചു.മഹ്മൂദ് ഹാജി പൈവളിഗെ, റഷീദ് ഹാജി കല്ലിങ്കാൽ, റാഫി പള്ളിപ്പുറം, സി.എച്ച്. നൂറുദ്ദീൻ, അഡ്വ. ഇബ്രാഹിം ഖലീൽ, കെ.പി. അബ്ബാസ് കളനാട്, സലാം തട്ടാനിച്ചേരി, ഹസൈനാർ ബീജന്തടുക്ക, യൂസുഫ് മുക്കൂട്, ഫൈസൽ മുഹ്സിൻ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.