ദുബൈ: സജീവമാകുന്ന ദുബൈ വിമാനത്താവളത്തിൽ ദുബൈ കിരീടാവകാശിയും എക്സിക്യൂട്ടിവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് ആൽ മക്തൂമിെൻറ സന്ദർശനം. യാത്രക്കാരെ വരവേൽക്കാൻ വിമാനത്താവളത്തിൽ ഒരുക്കിയിരിക്കുന്ന സജ്ജീകരണങ്ങളും മുൻകരുതൽ നടപടികളും അദ്ദേഹം വിലയിരുത്തി. യാത്രക്കാർ എത്തുന്ന സ്ഥലം, എമിഗ്രേഷൻ പോയൻറ്, കോവിഡ് പരിശോധന കേന്ദ്രം എന്നിവയിൽ അദ്ദേഹം സന്ദർശനം നടത്തി.
മാസ്ക് ധരിച്ച്, സാമൂഹിക അകലം പാലിച്ചായിരുന്നു സന്ദർശനം. വർഷങ്ങളായി ദുബൈ വിമാനത്താവളം ലോകത്തിലെ ഒന്നാം നമ്പർ വിമാനത്താവളമാണെന്നും അസാധാരണ പ്രയത്നത്തിലൂടെയാണ് ഇത് നിലനിർത്തുന്നതെന്നും ശൈഖ് ഹംദാൻ ട്വിറ്ററിൽ കുറിച്ചു.
മുൻനിര സ്ഥാനങ്ങളാണ് എപ്പോഴും നമ്മുടെ ലക്ഷ്യം. നമ്മുടെ കഴിവിൽ ശുഭാപ്തിവിശ്വാസമുണ്ട്. വിനോദസഞ്ചാര മേഖലയിൽ യു.എ.ഇയുടെ സ്ഥാനം
നിലനിർത്താൻ കഴിയുമെന്ന ഉറച്ച വിശ്വാസമുണ്ടെന്നും ഹംദാൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.