അബൂദബി: എക്‌സ്‌പോ 2020ൽ പങ്കെടുക്കാൻ വരുന്ന ഇന്ത്യക്കാർക്ക് വിസ സൗജന്യമായി നൽകാൻ യു.എ.ഇ സർക്കാർ തീരുമാനിച്ചിട് ടുണ്ടെന്ന് ഇന്ത്യൻ അംബാസഡർ പവൻ കപൂർ അറിയിച്ചു. യു.എ.ഇ എക്‌സ്‌പോ 2020ൽ ഇന്ത്യയുടെ സജീവ സാന്നിധ്യമുണ്ടാകും. ഇന്ത്യൻ സമൂഹത്തിെൻറ പൂർണ സഹകരണവും പങ്കാളിത്തവും യു.എ.ഇ സർക്കാറിെൻറ എല്ലാ പ്രവർത്തനങ്ങളിലും ഉണ്ടാകണമെന്നും കേരള സോഷ്യൽ സെൻറർ നടത്തുന്ന യു.എ.ഇ തല യുവജനോത്സവം ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു.
35 ലക്ഷത്തിലധികം ഇന്ത്യക്കാർ യു.എ.ഇയിലുണ്ട്. അതിൽ 15 ലക്ഷത്തിലധികം മലയാളികളാണ്. യു.എ.ഇയുടെ കലാ-സാംസ്‌കാരിക-വാണിജ്യ മണ്ഡലങ്ങളിൽ മികവാർന്ന പ്രവർത്തനമാണ് മലയാളികൾ നടത്തുന്നതെന്നും അദ്ദേഹം പറഞ്ഞു. കേരള സോഷ്യൽ സെൻറർ പ്രസിഡൻറ് എ.കെ. ബീരാൻകുട്ടി അധ്യക്ഷത വഹിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.