അൽെഎൻ: അൽെഎനിൽ കാറിൽ കുടുങ്ങിയ അഞ്ച് വയസ്സുകാരൻ കടുത്ത ചൂടേറ്റ് മരിച്ചു. സ്വന ്തം വീട്ടിലെ പാർക്ക് ചെയ്ത കാറിൽ കയറി കളിക്കുന്നതിനിടെ വാതിൽ തുറക്കാനാവാത്ത വിധം അടഞ്ഞുപോവുകയായിരുന്നുവെന്ന് പ്രാഥമികാന്വേഷണത്തിൽ വ്യക്തമായതായി അൽെഎൻ പൊലീസ് ഡയറക്ടറേറ്റ് ഡയറക്ടർ കേണൽ മുബാറക് സെയ്ഫ് അൽ സബൂസി പറഞ്ഞു. കുട്ടിയെ കാണാത്തതിനാൽ വീട്ടുകാർ നടത്തിയ തെരച്ചിലിനൊടുവിൽ കാറിൽനിന്ന് കണ്ടെത്തുകയായിരുന്നു.
ഉടൻ ആശുപത്രിയിലേക്ക് കൊണ്ടുപോയെങ്കിലും മരിച്ചിരുന്നു. കാർ പൂട്ടാതെ പോകരുതെന്നും കുട്ടികൾ അകത്തു കയറിയാൽ ഉയർന്ന ചൂടും ഒാക്സിജെൻറ കുറവും കാരണം ശ്വാസം കിട്ടാതെ മരിക്കുമെന്നും അബൂദബി പൊലീസ് രക്ഷിതാക്കൾക്ക് മുന്നറിയിപ്പ് നൽകി. ഇത്തരം ദുരന്തങ്ങൾ ഒഴിവാക്കാൻ കുട്ടികളെ ശ്രദ്ധിക്കണമെന്നും പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.