ദുബൈ: പി.സി.ആർ പരിശോധനകൾക്കായി മൂന്ന് പുതിയ കേന്ദ്രങ്ങൾ കൂടി ദുബൈ ആരോഗ്യ വകുപ്പ് (ഡി.എച്ച്.എ) അനുവദിച്ചു. നിലവിൽ ഇരുന്നൂറിലേറെ പരിശോധനകേന്ദ്രങ്ങൾ എമിറേറ്റിൽ നിലവിലുണ്ട്.
യൂനിലാബ്സിെൻറ സഹകരണത്തോടെയുള്ള പുതിയ സെന്ററുകൾ അൽ മൻഖൂൽ, നാദ് അൽ ഷെബ, നാദ് അൽ ഹമ്മർ എന്നിവിടങ്ങളിലാണ് പ്രവർത്തിക്കുക. ഓരോന്നിനും പ്രതിദിനം 1500 പരിശോധനകൾക്ക് ശേഷിയുണ്ട്.
കേന്ദ്രങ്ങൾ ആഴ്ചയിൽ ഏഴുദിവസവും 24 മണിക്കൂറും തുറന്നിരിക്കും. ഈ കേന്ദ്രങ്ങളിൽ ആളുകൾക്ക് ഡ്രൈവ്-ത്രൂ ഒപ്ഷൻ ഉപയോഗിക്കാം.
പുതുതായി അനുവദിച്ച മറ്റൊരു പരിശോധന സൗകര്യമായ അൽ ലുസൈലി സ്ക്രീനിങ് ഹാൾ അപ്പോയ്ൻമെന്റ് അടിസ്ഥാനത്തിൽ പരിശോധന നടത്തും.
രാവിലെ എട്ടുമുതൽ നാലുവരെയാണ് ഇവിടെ പരിശോധന. ഡി.എച്ച്.എ ആപ് വഴി ഇതിൽ ബുക്ക് ചെയ്യാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.