ദുബൈ-കോഴിക്കോട്​ വിമാനം രണ്ടാം ദിവസവും വൈകി

ദുബൈ: ദുബൈയിൽ നിന്നുള്ള സ്​പൈസ്​ ജെറ്റ്​ കോഴിക്കോട്​ വിമാനം തുടർച്ചയായി രണ്ടാം ദിവസവും വൈകി. വ്യാഴാഴ്​ച വൈകീട്ട്​ നാലിന്​ പുറപ്പെടേണ്ടിയിരുന്ന എസ്​.ജി 054 വിമാനം വെള്ളിയാഴ്​ച പുലർച്ചെ ഒരു മണിക്കു ശേഷമാണ്​ ഉയർന്നത്​.

വിമാനത്തിൽ യാത്രക്കാരെ കയറ്റിയ ശേഷം യന്ത്രത്തകരാർ എന്നു പറഞ്ഞ്​ രണ്ടു തവണ ഇറക്കിയിരുന്നു. ഇതേച്ചൊല്ലി യാത്രക്കാർ പ്രതിഷേധിച്ചതിനെ തുടർന്ന്​ പകരം വിമാനം ഏർപ്പെടുത്തിയാണ്​ പുലർച്ചെ യാത്ര പുറപ്പെട്ടത്​. എന്നാൽ യന്ത്രത്തകരാർ ഇനിയും പരിഹരിക്കാൻ കഴിയാതെ വന്നതോടെ വെള്ളിയാഴ്​ച വൈകീട്ടും സ്​പൈസ്​ ജെറ്റ്​ യാത്രക്കാർക്ക്​ സമാന ദുരിതം നേരിടേണ്ടി വന്നു.

രാത്രി 9.19നാണ്​ വിമാനം പിന്നീട്​ പുറപ്പെട്ടത്​. റമദാൻ കാലവും കടുത്ത ചൂടും മൂലം യാത്രക്കാർ അനുഭവിക്കുന്ന വിഷമം ചെറുതല്ല.