അബൂദബി: മൂക്കിൽനിന്ന് സ്വാബ് ശേഖരിച്ച് പി.സി.ആർ പരിശോധന നടത്തുന്നതിനുള്ള ചെലവ് 250 ദിർഹമായി കുറച്ചതായി അബുദബി ഹെൽത്ത് സർവിസസ് കമ്പനിയായ സെഹ അറിയിച്ചു.
രാജ്യത്തെ എല്ലാ സെഹ പരിശോധന കേന്ദ്രങ്ങളിലും പുതിയ നിരക്ക് ഉടൻ പ്രാബല്യത്തിൽ വരും. എല്ലാ ഡ്രൈവ് ത്രൂ പരിശോധന കേന്ദ്രങ്ങളിലും സെഹ ആശുപത്രികളിലും ക്ലിനിക്കുകളിലും പുതിയ നിരക്ക് ബാധകമാണ്. അബൂദബി കോർണിഷ്, സായിദ് സ്പോർട്സ് സിറ്റി എന്നിവ ഉൾപ്പെടെ അബൂദബി നഗരത്തിൽ അഞ്ച് സ്ഥലങ്ങളിലായി 20 സ്ക്രീനിങ് സെൻററുകൾ പ്രവർത്തിക്കുന്നു. നേരത്തേ 370 ദിർഹമായിരുന്നു ഈടാക്കിയിരുന്നത്. കോവിഡ് വൈറസ് ബാധിതരെന്ന് സംശയിക്കുന്നവർക്ക് പരിശോധന സൗജന്യമായി തുടരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.