ഇൻകാസ് ദുബൈ ഗുരുവായൂർ നിയോജക മണ്ഡലം കമ്മിറ്റി സംഘടിപ്പിച്ച പുന്ന നൗഷാദ്
അനുസ്മരണ സദസ്
ദുബൈ: വർഗീയ ഫാഷിസ്റ്റ് ശക്തികളെ കൈവിട്ട് സഹായിക്കുന്ന പ്രവണതയാണ് കേരള സർക്കാറിന്റെ ഭാഗത്ത് നിന്നുണ്ടാകുന്നതെന്ന് ഇൻകാസ് യു.എ.ഇ സെൻട്രൽ കമ്മിറ്റി വൈസ് പ്രസിഡന്റ് എൻ.പി. രാമചന്ദ്രൻ പറഞ്ഞു. ഇൻകാസ് ദുബൈ ഗുരുവായൂർ നിയോജക മണ്ഡലം കമ്മിറ്റി സംഘടിപ്പിച്ച പുന്ന നൗഷാദ് അനുസ്മരണ സദസ്സ് ഉദ്ഘാടനം ചെയ്യുകയായിരുന്നു അദ്ദേഹം.
മണ്ഡലം പ്രസിഡന്റ് അലാവുദ്ദീൻ അബൂബക്കർ അധ്യക്ഷത വഹിച്ചു. ഇൻകാസ് ദുബൈ സംസ്ഥാന പ്രസിഡന്റ് നദീർ കാപ്പാട് മുഖ്യ പ്രഭാഷണം നടത്തി. ഇൻകാസ് ദുബൈ തൃശൂർ ജില്ല പ്രസിഡന്റ് പവിത്രൻ അഞ്ചങ്ങാടി അനുസ്മരണ പ്രഭാഷണം നടത്തി. ഇൻകാസ് ദുബൈ ട്രഷറർ ടൈറ്റസ് പുല്ലൂരാൻ, വൈസ് പ്രസിഡന്റ് സി.എ ബിജു, തൃശൂർ ജില്ല ജനറൽ സെക്രട്ടറി റിയാസ് ചെന്ത്രാപ്പിന്നി, ഭാരവാഹികളായ സുലൈമാൻ കറുത്താക്ക, ആരിഷ് അബൂബക്കർ, നജീബ് കേച്ചേരി, സക്കീർ പാമ്പ്ര തുടങ്ങിയവർ സംസാരിച്ചു. ഷഫീഖ് അലി ചാവക്കാട് സ്വാഗതവും ആർ.വി ഷജീർ നന്ദിയും പറഞ്ഞു. പുന്ന നൗഷാദ് രക്തസാക്ഷിത്വ ദിനത്തോടനുബന്ധിച്ച് 400ഓളം പേർ ദുബൈ ലത്തീഫാ ഹോസ്പിറ്റലിൽ രക്തദാനവും നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.