അജ്മാൻ: പരപ്പയിലെയും സമീപ പ്രദേശങ്ങളിലെയും പ്രവാസികളുടെ കൂ ട്ടായ്മയായ പരപ്പ ബ്രദേഴ്സ് നാലാം വാർഷിക സംഗമവും ഫുട്ബാൾ ടൂർണമെ ൻറും അജ്മാനിൽ നടന്നു. അജ്മാൻ ഹീലിയോ പാർക്ക് ഗ്രൗണ്ടിൽ നടന്ന ഫുട്ബാൾ മേളയിൽ 12 ക്ലബുകളുടെ ടീമുകൾ മാറ്റുരച്ചു. യുനൈറ്റഡ് എഫ്.സി കമ്മാടം ജേതാക്കളും ഗ്രീൻ സ്റ്റാർ പരപ്പ റണ്ണർ അപ്പുമായി. ഗ്രീൻ സ്റ്റാർ പരപ്പയുടെ അജ്മൽ മികച്ച കളിക്കാരനായി. ഹീലിയോ ഫാം ഹൗസിൽ നിരവധി കലാകായിക മത്സരങ്ങളും സംഘടിപ്പിച്ചു.
സത്യൻ പരപ്പ സംവിധാനം നിർവഹിച്ച ‘പാലോം പാലം നല്ല നടപ്പാലം’ എന്ന നാടൻ പാട്ടിനെ അടിസ്ഥാനമാക്കി നാടകം അരങ്ങേറി. സാംസ്കാരിക സമാപന സംഗമത്തിൽ ഡോ. മണികണ്ഠൻ മേലേത്ത് മുഖ്യാതിഥിയായിരുന്നു. സംഘാടക സമിതി ചെയർമാൻ ഷംനാസ് പരപ്പ അധ്യക്ഷത വഹിച്ച സാംസ്കാരിക സമ്മേളനം ബ്രദേഴ്സ് കൂട്ടായ്മ പ്രസിഡൻറ് സുധാകരൻ മാസ്റ്റർ ഉദ്ഘാടനം ചെയ്തു. ജനറൽ സെക്രട്ടറി താജുദ്ദീൻ കാരാട്ട് റിപ്പോർട്ട് അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.