ദുബൈ: സിനോഫാമിെൻറ പുതിയ വാക്സിന് യു.എ.ഇ ആരോഗ്യ, രോഗപ്രതിരോധ മന്ത്രാലയം അനുമതി നൽകി. സിനോഫാം സി.എൻ.ബി.ജിയുടെ പുനഃസംയോജിപ്പിച്ച പ്രോട്ടീൻ വാക്സിെൻറ അടിയന്തര ഉപയോഗത്തിനാണ് അനുമതി. വിദഗ്ധ പഠനത്തിനുശേഷമാണ് അനുമതിയെന്ന് അധികൃതർ വ്യക്തമാക്കി. നേരേത്ത സിനോഫാം വാക്സിെൻറ രണ്ട് ഡോസുമെടുത്തവരിൽ പരീക്ഷിച്ച് വിജയിച്ചതിെൻറ അടിസ്ഥാനത്തിലാണിത്. പരീക്ഷണഘട്ടത്തിൽ ആർക്കും പാർശ്വഫലം റിപ്പോർട്ട് ചെയ്യപ്പെട്ടില്ല. കോവിഡിെൻറ വകഭേദങ്ങളിൽനിന്ന് രക്ഷനേടാനുള്ള പ്രതിരോധശേഷി പുതിയ വാക്സിനുണ്ടാവുമെന്ന് അധികൃതർ പറഞ്ഞു. ഹയാത്ത് ബയോടെക്കാണ് വാക്സിൻ ഉൽപാദിപ്പിക്കുന്നതും വിതരണം ചെയ്യുന്നതും. ജനുവരി മുതൽ ബൂസ്റ്റർ ഡോസായി ഈ വാക്സിൻ പൊതുജനങ്ങളിലേക്കെത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.