ദുബൈ: നാളെ മുതലുള്ള ഏഴ് വെള്ളിയാഴ്ചകളിൽ റെഡ് ലൈൻ സർവിസ് നടത്തുന്ന മെട്രോകളുടെ സമയത്തിൽ മാറ്റമുണ്ടാകുമെന്ന് റോഡ്-ഗതാഗത അതോറിറ്റി അറിയിച്ചു. ഇൗ ദിവസങ്ങളിൽ ഉച്ചക്ക് രണ്ട് മുതൽ പുലർച്ച ഒന്ന് വരെയാണ് സർവിസ്. ജനുവരി 31, ഫ്രെബ്രുവരി ഏഴ്, 14, 21, 28, മാർച്ച് ആറ്, 13 എന്നീ വെള്ളിയാഴ്ചകളിലാണ് സമയമാറ്റം. ഇൗ ദിവസങ്ങളിൽ ബസ് ഉൾപ്പെടെയുള്ള മറ്റു മാർഗങ്ങളെ യാത്രക്കാർ ആശ്രയിക്കണമെന്ന് ആർ.ടി.എ റെയിൽ ഏജൻസി സി.ഇ.ഒ അബ്ദുൽ മൊഹ്സൻ ഇബ്രാഹീം യൂനുസ് അറിയിച്ചു. എക്സ്പോ നഗരിയിലേക്ക് മെട്രോ നീട്ടുന്ന റൂട്ട് 2020െൻറ പരിശോധനകൾ നടത്തുന്നതിനാണ് സർവിസിൽ നിയന്ത്രണം ഏർപ്പെടുത്തിയത്. ഇക്കാര്യം സൂചിപ്പിക്കാൻ മെട്രോ സ്റ്റേഷനുകളിൽ അനൗൺസ്മെൻറ്, പോസ്റ്റർ, നോട്ടീസ്, സ്ക്രീൻ മെസേജ് എന്നീ സംവിധാനങ്ങൾ ഏർപ്പെടുത്തും. ഇതിന് പുറമെ ആർ.ടി.എ വെബ്സൈറ്റ്, ആപ്, സമൂഹ മാധ്യമം എന്നിവയിലൂടെയും പ്രചാരണം നൽകുമെന്ന് യൂനുസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.