അജ്മാൻ: യു.എ.ഇയിലെ ഇന്ത്യൻ സ്ഥാനപതി നവ്ദീപ് സിങ് സൂരി സുപ്രീം കൗൺസിൽ അംഗവും അജ്മാൻ ഭരണാധികാരിയുമായ ശൈഖ് ഹുമൈദ് ബിൻ റാശിദ് ആൽ നുഐമിയുമായി കൂടിക്കാഴ്ച നടത്തി. യു.എ.ഇയും ഇന്ത്യയും തമ്മിൽ വിവിധ മേഖലകളിലുള്ള ഉഭയകക്ഷി ബന്ധങ്ങൾ ശക്തിപ്പെടുത്തുന്നതിൽ സൂരിക്ക് അജ്മാൻ ഭരണാധികാരി വിജയമാശംസിച്ചു. ഇരു രാഷ്ട്രങ്ങളും തമ്മിലുള്ള ബന്ധത്തെ കുറിച്ചും ജനങ്ങളുടെ താൽപര്യത്തിന് അനുസൃതമായി അവ വിപുലപ്പെടുത്തുന്നതിനെ കുറിച്ചും ഇരുവരും ചർച്ച നടത്തി. വിവിധ മേഖലകളിൽ യു.എ.ഇ പൊതുവിലും അജ്മാൻ വിശേഷിച്ചും സമഗ്ര സാംസ്കാരിക പരിഷ്കരണത്തിന് സാക്ഷിയാകുന്നതായി സ്ഥാനപതി പറഞ്ഞു. ശൈഖുമാരും മുതിർന്ന ഉദ്യോഗസ്ഥരും ചർച്ചയിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.