കൽബ : ആരോഗ്യ സംരക്ഷണത്തിന് പ്രവാസികൾ മുൻകരുതലുകൾ എടുക്കണമെന്നും അസുഖം വന്നു ചികിത്സ തേടുന്നതിനെക്കാൾ അസുഖം വരാതെ സൂക്ഷിക്കുകയാണ് വേണ്ടതെന്നും യു.എ.ഇ ആരോഗ്യ മന്ത്രാലയത്തിലെ മുതിർന്ന ന്യൂറോളജി ഡോക്ടരായ മോനി.കെ.വിനോദ് പറഞ്ഞു. കൽബ ഇന്ത്യൻ സോഷ്യൽ ആൻറ് കൾച്ചറൽ ക്ലബ്ബ് സംഘടിപ്പിച്ച ‘മെഡിക്കൽ ക്യാമ്പ് വളണ്ടിയേഴ്സ് മീറ്റിൽ’ സംസാരിക്കുകയായിരുന്നു അദ്ദേഹം. ക്ലബ് പ്രസിഡൻറ് എൻ.എം അബ്ദുൽ സമദ് അധ്യക്ഷത വഹിച്ചു. ജനറൽ സെക്രട്ടറി കെ.സി അബൂബക്കർ , ഡോ.അജിത് കുമാർ,ടി.പി.മോഹൻദാസ്, വി.ഡി.മുരളീധരൻ, പ്രോഗ്രാം കോർഡിനേറ്റർ വി.അഷ്റഫ് തുടങ്ങിയവർ പ്രസംഗിച്ചു. അസോസിയേഷൻ ഓഫ് കേരള മെഡിക്കൽ ഗ്രാജുവേറ്റ്സ് , കേരള ഫാർമസിസ്റ്റ് കൗൺസിൽ , ക്ലബ് വനിതാ വേദി, ചിൽഡ്രൻസ് ഫോറം തുടങ്ങിയവയുടെ സഹകരണത്തോടെയാണ് പരിപാടി സംഘടിപ്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.