ഷാർജ: ജീവിതത്തിൽ മൂളിപ്പാട്ട് പാടാത്തവർ നമ്മളിൽ വിരളമായിരിക്കും. അവരിൽ പലരും മികച്ച ഗായകരും ആയേക്കും. പലവിധ കാരണങ്ങളാൽ മികച്ച അവസരങ്ങൾ തേടിയെത്താത്തതുകൊണ്ടാവാം അവർ അറിയപ്പെടാതെ പോകുന്നത്.
നമുക്കിടയിലെ ഇത്തരം ആളുകൾക്ക് പാട്ട് പാടാനും താരമാകാനുമുള്ള വേദി ഒരുക്കുകയാണ് ഗൾഫ് മാധ്യമം ‘കമോൺ കേരള’.
ഷാർജ എക്സ്പോ സെന്‍ററിലാണ് ജൂൺ ഏഴ്, എട്ട്, ഒമ്പത് തീയതികളിലായി മിഡിൽ ഈസ്റ്റിലെ ഏറ്റവും വലിയ ഇന്ത്യൻ വാണിജ്യ, സാംസ്കാരിക, വിനോദ, വിജ്ഞാന മേളയായ കമോൺ കേരളയുടെ ആറാമത് എഡിഷൻ നടക്കുന്നത്.
ഏഴ് എമിറേറ്റുകളിൽനിന്ന് ഒഴുകിയെത്തുന്ന ആയിരക്കണക്കിന് സന്ദർശകരുടെ മുന്നിൽ പാട്ട് പാടാനുള്ള, തന്‍റെ കഴിവ് പ്രകടിപ്പിക്കാനുള്ള ഏറ്റവും മികച്ച അവസരമാണ് ‘സിങ് ആൻഡ് വിൻ’ മത്സരം. കമോൺ കേരളയുടെ ആദ്യ ദിനമായ ജൂൺ ഏഴിന് വൈകീട്ട് നാലു മുതൽ ആറു വരെ മിനി സ്റ്റേജിലാണ് മത്സരം.
18 വയസ്സ് പൂർത്തിയാക്കിയ യു.എ.ഇയിൽ താമസിക്കുന്ന ആർക്കും മത്സരത്തിൽ പങ്കെടുക്കുകയും സമ്മാനം നേടുകയും ചെയ്യാം. ആകർഷകമായ സമ്മാനങ്ങളാണ് വിജയികളെ കാത്തിരിക്കുന്നത്. പ്രാഥമിക റൗണ്ടിൽ തിരഞ്ഞെടുക്കുന്നവർക്കാണ് പ്രധാന വേദിയിൽ മത്സരിക്കാൻ അവസരം.
പ്രാഥമിക റൗണ്ടിൽ പങ്കെടുക്കാൻ ചെയ്യേണ്ടത് ഇത്രമാത്രം. നിങ്ങൾക്ക് ഇഷ്ടമുള്ള ഒരു പാട്ട് കരോക്കെ/ ഓർക്കസ്ട്ര എന്നിവയുടെ സഹായമില്ലാതെ 45നും രണ്ടു മിനിറ്റിനും ഇടയിൽ പാടി അത് വെർട്ടിക്കലായി ഷൂട്ട് ചെയ്ത് മേയ് 25ന് മുമ്പായി +971 56 809 7704 എന്ന നമ്പറിലേക്ക് വാട്സാപ്പ് ചെയ്യണം. മത്സരാർഥിയുടെ പേര്, വയസ്സ്, ഫോൺനമ്പർ എന്നിവ ഇതിനൊപ്പം അയക്കണം. ഇതിൽനിന്ന് തിരഞ്ഞെടുക്കുന്ന 100 പേർക്കാണ് ഫൈനൽ റൗണ്ടിൽ അവസരം.
ഫൈനൽ റൗണ്ടിൽ മത്സരിക്കുന്നവർ തിരിച്ചറിയൽ കാർഡ് കൊണ്ടുവരണം. മത്സരത്തിൽ പങ്കെടുക്കാനും രജിസ്ട്രേഷൻ നിബന്ധനകൾ അറിയാനും https://cokuae.com/events/singandwin ലിങ്ക് സന്ദർശിക്കുക. ഹെൽപ് ലൈൻ നമ്പർ +971 56 809 7704.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.