ഷാര്ജ: ഗതാഗത സുരക്ഷാ ബോധവത്കരണ സന്ദേശവുമായി ഷാര്ജ ഇന്ത്യന് സ്കൂൾ കിൻറർഗാർഡനിലെ കുരുന്നുകള്. റൗണ്ട് എബൗട്ടും സിഗ്നലും കളിപ്പാട്ട വാഹനങ്ങളുമൊക്കെ പ്രദര്ശിപ്പിച്ചാണ് കെജി ടുവിലെ ഏതാനും വിദ്യാര്ത്ഥികള് മറ്റു വിദ്യാര്ത്ഥികൾക്ക് ബോധവത്കരണ സന്ദേശമെത്തിച്ചത്. വിദ്യാര്ത്ഥികളൊരുക്കിയ റോഡ് സുരക്ഷാ ക്യാമ്പയിന് ഷാര്ജ ഇന്ത്യന് അസോസിയേഷന് ആക്ടിംഗ് പ്രസിഡൻറ് മാത്യു ജോ ഉദ്ഘാടനം ചെയ്തു. ജനറല് സെക്രട്ടറി ബിജു സോമന്, ട്രഷറര് വി.നാരായണന് നായര്,പ്രിന്സിപ്പല് പ്രമോദ് മഹാജന്, വൈസ് പ്രിന്സിപ്പല് മിനി മേനോന്, ഹെഡ്മിസ്ട്രസ് അസ്റ ഹുസൈന്, സൂപ്പര്വൈസര്മാരായ മംതാ ഗോജര്, ഗ്രേസി ബരാേട്ടാ എന്നിവര് സംബന്ധിച്ചു. വിദ്യാര്ത്ഥികള് ഗതാഗത സുരക്ഷാ പാലന ലഘുലേഖകളും വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.