ദുബൈ: പ്രവാസികളെ ഏറെ സന്തോഷിപ്പിക്കുന്ന പുത്തൻ ഒാഫറുമായി യു.എ.ഇയുടെ സർക്കാർ ടെലികോമായ ഇത്തിസലാത്ത്. 150 ദിർഹം പ്ലാനിലെ ഉപഭോക്താക്കൾക്ക് തെരഞ്ഞെടുക്കുന്ന ഒരു രാജ്യത്തേക്ക് ഇത്തിസലാത്ത് ലാൻറ്ലൈനിൽ നിന്ന് ദിവസം ഒരു മണിക്കൂറിലേറെ സംസാരിക്കാവുന്ന പദ്ധതിയാണ് പ്രഖ്യാപിച്ചത്. 64 രാജ്യങ്ങളുടെ പട്ടിക രണ്ടാക്കി തിരിച്ചാണ് പാക്കേജ്. ഇതിൽ ഇന്ത്യ ഉൾപ്പെടെയുള്ള രാജ്യങ്ങളിലേക്കാണ് മാസം 33 മണിക്കൂർ സംസാരിക്കാനാവുക. സൗദി, കുവൈത്ത്, ഒമാൻ, ബഹ്റൈൻ, ഖത്തർ, തുടങ്ങിയ ജി.സി.സി രാജ്യങ്ങളിലേക്ക് 150 ദിർഹം പ്ലാനിൽ പതിനാറര മണിക്കൂറാണ് സംസാരിക്കാനാവുക. കൂടുതൽ വിവരങ്ങൾ 800101 എന്ന നമ്പറിൽ നിന്നറിയാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.