തുടക്കത്തിൽ വിസ സേവനങ്ങളില്ല, പാസ്പോർട്ട് സേവനങ്ങൾ മാത്രം : മുസഫയിൽ പുതിയ ബി.എൽ.എസ് കേന്ദ്രം തുറന്നു

അ​ബൂ​ദ​ബി: ഇ​ന്ത്യ​ൻ സ്ഥാ​ന​പ​തി കാ​ര്യാ​ല​യ​ത്തി​നു കീ​ഴി​ൽ മു​സ​ഫ​യി​ൽ പു​തി​യ ബി.​എ​ൽ.​എ​സ് കേ​ന്ദ്രം തു​റ​ന്നു. മു​സ​ഫ വ്യ​വ​സാ​യ ന​ഗ​രി​യി​ലെ തൊ​ഴി​ൽ സ്ഥാ​പ​ന​ങ്ങ​ൾ​ക്കും തൊ​ഴി​ലാ​ളി​ക​ൾ​ക്കും ഇ​ന്ത്യ​ൻ പാ​സ്പോ​ർ​ട്ടി​നും വി​സ സേ​വ​ന​ങ്ങ​ൾ​ക്കും പ്ര​യോ​ജ​ന​പ്പെ​ടു​ന്ന കേ​ന്ദ്രം ഇ​ന്ത്യ​ൻ സ്ഥാ​ന​പ​തി പ​വ​ൻ ക​പൂ​ർ ഉ​ദ്ഘാ​ട​നം ചെ​യ്തു. ഇ​ന്ത്യ​ൻ സ്ഥാ​ന​പ​തി കാ​ര്യാ​ല​യ​ത്തി​നു കീ​ഴി​ൽ എ​ല്ലാ പാ​സ്പോ​ർ​ട്ട്, വി​സ സേ​വ​ന​ങ്ങ​ളും ഔ​ട്ട്സോ​ഴ്സ്ഡ് സേ​വ​ന ദാ​താ​ക്ക​ളാ​യ ബി.​എ​ൽ.​എ​സ് ഇ​ൻ​റ​ർ​നാ​ഷ​ന​ൽ സ​ർ​വി​സ​സ് ലി​മി​റ്റ​ഡാ​ണ് ന​ട​പ്പാ​ക്കു​ന്ന​ത്. കോ​വി​ഡ് മൂ​ലം അ​ബൂ​ദ​ബി ന​ഗ​ര​ത്തി​ലെ ബി.​എ​ൽ.​എ​സ് കേ​ന്ദ്ര​ത്തെ മാ​ത്രം ആ​ശ്ര​യി​ച്ചി​രു​ന്ന​വ​ർ​ക്ക് പു​തി​യ കേ​ന്ദ്രം ആ​രം​ഭി​ച്ച​ത് ആ​ശ്വാ​സ​മാ​യി.

മു​സ​ഫ വ്യ​വ​സാ​യ ന​ഗ​രി​യി​ലെ ഡ​നൂ​ബ് ഹോം​സ്, അ​ബൂ​ദ​ബി ലേ​ബ​ർ കോ​ർ​ട്ട്-2 എ​ന്നി​വ​ക്കു സ​മീ​പ​മാ​ണ് പു​തി​യ കേ​ന്ദ്രം. തു​ട​ക്ക​ത്തി​ൽ പാ​സ്പോ​ർ​ട്ട് അ​പേ​ക്ഷ​ക​ളു​മാ​യി ബ​ന്ധ​പ്പെ​ട്ട സേ​വ​ന​ങ്ങ​ളാ​ണ് പു​തി​യ കേ​ന്ദ്ര​ത്തി​ൽ ന​ട​ത്തു​ക. മ​റ്റൊ​രു അ​റി​യി​പ്പ് ഉ​ണ്ടാ​കു​ന്ന​തു​വ​രെ വി​സ അ​പേ​ക്ഷ​ക​ൾ സ്വീ​ക​രി​ക്കു​ന്ന​ത​ല്ലെ​ന്നും അ​ധി​കൃ​ത​ർ അ​റി​യി​ച്ചു. കോ​വി​ഡ് വ്യാ​പ​ന​ത്തി​നി​ട​യി​ൽ പാ​സ്പോ​ർ​ട്ടി​െൻറ കാ​ലാ​വ​ധി ക​ഴി​യു​ന്ന തീ​യ​തി അ​ടി​സ്ഥാ​ന​മാ​ക്കി പു​തി​യ പാ​സ്പോ​ർ​ട്ടു​ക​ൾ വീ​ണ്ടും ന​ൽ​കു​ന്ന​തി​ന് ഏ​ർ​പ്പെ​ടു​ത്തി​യി​രു​ന്ന നി​യ​ന്ത്ര​ണ​ങ്ങ​ളെ​ല്ലാം പി​ൻ​വ​ലി​ച്ച​താ​യും എം​ബ​സി അ​റി​യി​ച്ചു. അ​ബൂ​ദ​ബി എ​മി​റേ​റ്റി​ൽ ഏ​റ്റ​വും അ​ടു​ത്തു​ള്ള ഏ​തെ​ങ്കി​ലും ബി.​എ​ൽ.​എ​സ് കേ​ന്ദ്ര​ങ്ങ​ളി​ൽ നി​ല​വി​ലു​ള്ള പാ​സ്പോ​ർ​ട്ട് കാ​ല​ഹ​ര​ണ​പ്പെ​ടു​ന്ന​തി​ന് ഒ​രു​വ​ർ​ഷം മു​മ്പ് പു​തി​യ പാ​സ്പോ​ർ​ട്ടി​നാ​യി അ​പേ​ക്ഷി​ക്കാം. 60നു ​മു​ക​ളി​ൽ പ്രാ​യ​മു​ള്ള മു​തി​ർ​ന്ന പൗ​ര​ന്മാ​ർ, 12 വ​യ​സ്സി​ൽ താ​ഴെ​യു​ള്ള കു​ട്ടി​ക​ൾ, ഗ​ർ​ഭി​ണി​ക​ൾ, ഭി​ന്ന​ശേ​ഷി​യു​ള്ള​വ​ർ എ​ന്നി​വ​രു​ടെ പാ​സ്പോ​ർ​ട്ട് അ​പേ​ക്ഷ​ക​ൾ ക​മ്പ​നി പി.​ആ​ർ.​ഒ​മാ​ർ വ​ഴി സ്വീ​ക​രി​ക്കും. മ​റ്റൊ​രു അ​റി​യി​പ്പ് ഉ​ണ്ടാ​കു​ന്ന​തു​വ​രെ ന​ട​പ​ടി തു​ട​രു​മെ​ന്നും എം​ബ​സി അ​റി​യി​ച്ചു.