ദുബൈ: മഷ്തിഷ്ക ആഘാതത്തെ തുടർന്ന് ദുബൈയിലെ ആശുപത്രിയിൽ ചികിത്സയിലുള്ള ഭർത്താവിനെ സന്ദർശിക്കാൻ ഇന്ത്യൻ യുവതിക്ക് അടിയന്തിരമായി യു.എ.ഇ വിസ ലഭ്യമാക്കി. ഇന്ത്യൻ വിദേശകാര്യ മന്ത്രി സുഷമാ സ്വരാജിെൻറ നിർദേശവും ദുബൈ ഇന്ത്യൻ കോൺസുലേറ്റിെൻറ സമയോചിത ഇടപെടലുമാണ് ഗരിമ അഗ്രവാൾ എന്ന യുവതിക്ക് യു.എ.ഇയിലേക്കെത്താൻ വഴി തുറന്നു നൽകിയത്. ഭർത്താവിെൻറ ആരോഗ്യ ഗുരുതരാവസ്ഥ ബോധ്യപ്പെടുത്തി ഗരിമ മന്ത്രി സുഷമാ സ്വരാജിന് ട്വിറ്ററിലൂടെയാണ് സന്ദേശമയച്ചത്.
അടിയന്തിര വിസക്ക് അപേക്ഷിച്ച കാര്യം പാസ്പോർട്ട് നമ്പർ സഹിതം അറിയിച്ച ഗരിമ വെള്ളിയാഴ്ച അവധിയാകയാൽ വിസ വൈകുമോ എന്ന സന്ദേഹവും സൂചിപ്പിച്ചിരുന്നു. ആയിരത്തിലേറെ ആളുകൾ പങ്കുവെച്ച ട്വീറ്റ് ശ്രദ്ധയിൽപ്പെട്ടയുടൻ മന്ത്രി സഹായം നൽകാൻ സന്നദ്ധത അറിയിച്ചു. വിഷയത്തിൽ ശ്രദ്ധ ചെലുത്താനും ആശുപത്രിയിൽ വേണ്ട സഹായങ്ങളുറപ്പാക്കാനും ദുബൈ കോൺസുൽ ജനറൽ വിപുലിനെ ചുമതലപ്പെടുത്തുകയും ചെയ്തു.
നടപടി ക്രമങ്ങൾ പൂർത്തിയായതായി അറിയിച്ച കോൺസുലേറ്റ് യുവതിക്ക് ഉടനടി യു.എ.ഇയിലേക്ക് പറക്കാനാകുമെന്നും അറിയിച്ചു. കോൺസുലേറ്റിെൻറ പ്രതിനിധികൾ ആശുപത്രി സന്ദർശിക്കുകയും ചെയ്തു. സുഷമ സ്വരാജ് പിന്നീട് ഗരിമയെ ഫോണിൽ വിളിച്ചും പിന്തുണ അറിയിച്ചു. ഭർത്താവിെൻറ ആരോഗ്യ നിലയിൽ നേരിയ പുരോഗതിയുണ്ടെന്നും രാത്രി വിമാനത്തിൽ ദുബൈയിലെത്തുമെന്നും ഗരിമ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.